مەن كوپقاباتتى ۇيدە تۇرامىن. جاقىندا ءوز ەركىممەن ءۇيدىڭ قابىرعاسىن بۇزىپ، ەسىكتى باسقا جاقتان شىعارىپ، ءبىراز جوندەۋ جۇمىستارىن جۇرگىزدىم. الايدا، «قۇرىلىس جۇرگىزۋ ءۇشىن ارنايى قۇزىرلى ورگاننان رۇقسات الۋ كەرەك» دەگەندى ەستىدىم. وسى راس پا؟ ۇيگە رۇقساتسىز جوندەۋ جۇمىستارىن جۇرگىزگەنگە قانداي جازا قولدانىلادى؟
ءساپارالى پاتتەيەۆ،
الماتى قالاسى.
نەگىزى، رۇقسات الماي جاتىپ، ءۇيدى جابدىقتاۋعا بولمايدى. رۇقساتتى كەيىن الا سالامىن عوي دەپ نەمقۇرايدىلىققا سالىنۋدىڭ ارتى ۇلكەن وكىنىشكە اكەلىپ سوقتىرۋى مۇمكىن. مۇنداي كەزدە قالا قۇرىلىسىن باقىلاۋ باسقارماسى رۇقسات قاعازدى بەرمەيدى. ويتكەنى، باقىلاۋ باسقارماسى بولعاننان كەيىن، ولار قانداي دا بولسىن جۇرگىزىلگەن قۇرىلىستى زاڭداستىرىپ، قابىلداپ الۋى كەرەك. سەيسميكاعا قاۋىپتىلىگىن تەكسەرەدى. وسىنىڭ بارلىعى قاداعالانباي جاتىپ رۇقسات بەرە المايدى. سوندىقتان ءۇيدى وزگەرتپەس بۇرىن جەرگىلىكتى قالا قۇرىلىسىن باقىلاۋ باسقارماسىنان رۇقسات العان ءجون. ونىڭ ەش قيىندىعى جوق. تەك قانا ءتورت-اق قۇجات كەرەك: جەكە كۋالىگى، ءۇيدىڭ قۇجاتى، جوبالاۋ-سمەتالىق قۇجاتتاماعا ساراپتامانىڭ وڭ قورىتىندىسىنىڭ كوشىرمەسى، سونداي-اق قۇرىلىس جاسايتىن مەردىگەردىڭ ليسەنزياسىنىڭ بولۋى. مىنە، بارى – وسى.
ەگەر رۇقسات الماي تۇرىپ پاتەردى، مەكەمەنى وزگەرتىپ قويعان جاعدايدا تەكسەرۋ جۇرگىزىپ، اكىمشىلىك جازاعا تارتۋ كوزدەلەدى. ايىپپۇل سالىنادى. سونىمەن قاتار، ءتيىستى ورىننان رۇقسات الماي تۇرىپ وبەكتىنى ءوزگەرتكەن ادامعا پاتەرىن ساتقان جاعدايدا نەمەسە پاتەرىن كەپىلگە قويىپ نەسيە العىسى كەلسە، ءتيىستى ورگاندار رۇقسات بەرمەيدى.