بايقاۋ اياسىندا «جىلدىڭ ۇزدىك الەۋمەتتىك جوباسى» ارنايى سىيلىعى تابىستالادى.
بيزنەستىڭ الەۋمەتتىك جاۋاپكەرشىلىگى جونىندەگى «پارىز» بايقاۋى باستالدى، دەپ حابارلايدى Almaty-akshamy.kz ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز قىزمەتىنە سىلتەمە جاساپ.
بايقاۋ حالىقتىڭ ءال-اۋقاتىن ودان ءارى جاقسارتۋ ءۇشىن قوعام الدىنداعى وزدەرىنىڭ كورپوراتيۆتىك الەۋمەتتىك جاۋاپكەرشىلىگىن قالىپتاستىرۋعا جانە ارتتىرۋعا باعىتتالعان.
ۆەدومستۆو وكىلدەرىنىڭ مالىمەتىنشە، بايقاۋ ەكى كەزەڭنەن (وڭىرلىك جانە رەسپۋبليكالىق) تۇرادى. شاعىن، ورتا جانە ءىرى كاسىپكەرلىك سۋبەكتىلەرى 4 اتالىم («ۇزدىك الەۋمەتتىك جاۋاپتى كاسىپورىن»، «ەڭبەكتى قورعاۋ سالاسىنداعى ۇزدىك كاسىپورىن»، «ۇزدىك ۇجىمدىق شارت»، «ەكولوگياعا قوسقان ۇلەسى ءۇشىن») بويىنشا ءوزارا ۇزدىكتى انىقتايدى. سونداي-اق بايقاۋ اياسىندا «جىلدىڭ ۇزدىك الەۋمەتتىك جوباسى» ارنايى سىيلىعى تابىستالادى.
بايقاۋعا قاتىسۋ تەگىن. ۇمىتكەرلەر ءوز ماتەريالدارىن قاعاز تۇرىندە جانە ەلەكتروندى فورماتتا وبلىستاردىڭ، رەسپۋبليكالىق ماڭىزى بار قالالاردىڭ جەرگىلىكتى اتقارۋشى ورگاندارىنا جولدايدى.
وتكىزىلەتىن ءىس-شارالاردىڭ ماڭىزدىلىعىن ەسكەرە وتىرىپ، ەڭبەك جانە حالىقتى الەۋمەتتىك قورعاۋ مينيسترلىگى ەلىمىزدىڭ بارلىق كاسىپكەرلەرىن «پارىز» بايقاۋىنا بەلسەندى قاتىسۋعا شاقىرادى.