اتىراۋ وبلىسىندا رۇقساتسىز جۇمىس ىستەپ جۇرگەن 50-دەن اسا شەتەلدىك انىقتالدى. شەتەلدىكتىڭ بىرەۋى كولىكتى ماس كۇيدە جۇرگىزگەن، دەپ حابارلايدى اlmaty-akshamy.kz
اتىراۋ وبلىستىق پوليسيا دەپارتامەنتى باسپا ءسوز قىزمەتىنىڭ اقپاراتىنا سۇيەنسەك، «ءقاۋىپسىز جول» جانە «ميگرانت» جەدەل پروفيلاكتيكالىق ءىس-شارالارى ءوتىپ جاتىر.
«ءىس-شارالاردىڭ ماقساتى — جول قاۋىپسىزدىگىن ساقتاۋ، كوشى-قون زاڭدىلىعىن بۇزعان شەتەل ازاماتتارىن انىقتاۋ. ەل اۋماعىنان ءوز ەركىمەن كەتۋ تۋرالى سوت قاۋلىسىن ورىنداماعان شەتەلدىكتەردى ءماجبۇرلى تۇردە شىعارۋ. ماسەلەن، 19 اقپاننان بەرى اتىراۋ قالاسىنىڭ اۋماعىندا زاڭسىز جۇمىس ىستەپ جۇرگەن 50-دەن اسا شەتەلدىك انىقتالدى. وزگە ەلدىڭ ازاماتتارىنا قاتىستى ق ر اكىمشىلىك قۇقىق بۇزۋشىلىق تۋرالى كودەكسىنىڭ 517-بابىنىڭ 5-تارماعىمەن (شەتەلدىكتىڭ نەمەسە ازاماتتىعى جوق ادامنىڭ جۇزەگە اسىراتىن قىزمەتى ۆيزادا كورسەتىلگەن ماقساتتارعا سايكەس بولماۋىمەن كورىنگەن، قر-نىڭ حالىقتىڭ كوشى-قونى سالاسىنداعى زاڭناماسىن بۇزۋى نەمەسە جەرگىلىكتى اتقارۋشى ورگان ءوز بەتىنشە جۇمىسقا ورنالاسۋعا رۇقساتتى الۋ ەڭبەك قىزمەتىن جۇزەگە اسىرۋى) بويىنشا اكىمشىلىك حاتتامالار تولتىرىلدى. جيناقتالعان ءىس قۇجاتتارى سوتقا جولداندى»، -دەپ حابارلادى دەپارتامەنتتىڭ باسپا ءسوز قىزمەتى.
ال كەشە، 20 اقپاندا الكوگولدىك ماس كۇيدە كولىك جۇرگىزگەن شەتەلدىك ۇستالعان.
«پوليسيا قىزمەتكەرلەرى اتىراۋ قالاسىنداعى ي.تايمانوۆ داڭعىلى بويىندا Chevrolet Cobalt اۆتوكولىگىن توقتاتتى. تەكسەرۋ كەزىندە كولىكتىڭ وزبەكستان رەسپۋبليكاسىندا تىركەلگەنى انىقتالدى. ال، كولىكتى اتالعان ەلدىڭ 1989 جىلعى تۇرعىنى ماس كۇيدە جۇرگىزگەنى دالەلدەندى»، -دەپ ءمالىم ەتتى دەپارتامەنتتىڭ باسپا ءسوز قىزمەتى.
ماس شەتەلدىككە قاتىستى ق ر اكىمشىلىك قۇقىق بۇزۋشىلىق تۋرالى كودەكسىنىڭ 608-بابىنىڭ 1-بولىگىمەن (جۇرگىزۋشىنىڭ كولىك قۇرالىن الكوگولدىك، ەسىرتكىلىك جانە (نەمەسە) ۋىتقۇمارلىق ماساڭ كۇيدە باسقارۋى، سول سياقتى كولىك قۇرالىن الكوگولدىك، ەسىرتكىلىك جانە (نەمەسە) ۋىتقۇمارلىق ماساڭ كۇيدەگى ادامنىڭ باسقارۋىنا بەرۋ) اكىمشىلىك حاتتاما تولتىرىلدى.