2024 جىلدىڭ قاڭتارىندا وزبەكستاندا 4 ميلليارد تەكشە مەتر گاز ءوندىرىلدى، بۇل وتكەن جىلدىڭ قاڭتارىمەن سالىستىرعاندا 7،4 پايىزعا از. رەسمي ستاتيستيكا گاز ءوندىرۋدىڭ بەسىنشى جىل قاتارىنان تومەندەگەنىن كورسەتتى، دەپ حابارلايدى اlmaty-akshamy.kz.
مەملەكەتتەگى ستاتيستيكا اگەنتتىگى 2024 جىلدىڭ قاڭتار ايىنداعى ونەركاسىپ ستاتيستيكاسىن جاريالادى.
مالىمەتكە سۇيەنسەك، وزبەكستاندا قاڭتار ايىندا تابيعي گاز ءوندىرۋ 3 ميلليارد 994،6 ميلليون تەكشە مەتردى قۇراپ، وتكەن جىلدىڭ وسى كەزەڭىمەن سالىستىرعاندا 317،3 ميلليون تەكشە مەترگە نەمەسە 7،4 پايىزعا ازايعان. 2023 جىلدىڭ قاڭتار ايىندا 4 ميلليارد 311،9 ميلليارد تەكشە مەتر گاز وندىرىلگەن.
2021 جىلى 53،8 ميلليارد تەكشە مەتر گاز وندىرىلسە، بۇل كورسەتكىش 2022 جىلى 51،7 ميلليارد تەكشە مەترگە، 2023 جىلى 46،7 ميلليارد تەكشە مەترگە دەيىن تومەندەگەن.
جالپى وزبەكستانداعى گاز ءوندىرۋ كورسەتكىشى بەس جىل قاتارىنان تومەندەۋ تەندەنسياسىن كورسەتىپ كەلەدى. رەسمي ستاتيستيكا 2020 جىلدىڭ قاڭتارىندا 10 پايىزعا، 2021 جىلدىڭ قاڭتارىندا 4،4 پايىزعا، 2022 جىلدىڭ قاڭتارىندا 2،4 پايىزعا، 2023 جىلدىڭ قاڭتارىندا 7،5 پايىزعا، 2024 جىلدىڭ قاڭتارىندا 7،4 پايىزعا تومەندەگەنىن مالىمدەدى