مەكتەپ جاسىنداعى بالا «وتباسىنىڭ سيفرلىق كارتاسىندا» مەكتەپكە بارمايتىن رەتىندە تىركەلگەن
قاراعاندى وبلىسىنىڭ پروكۋراتۋراسى كامەلەتكە تولماعان بالانى ساۋدالاۋ فاكتىسى بويىنشا تەرگەۋدى باستادى، دەپ حابارلايدى اlmaty-akshamy.kz.
پروكۋراتۋرا كامەلەتكە تولماعان بالانى ساۋدالاۋ فاكتىسى بويىنشا سوتقا دەيىنگى تەرگەۋدى باستاۋعا باستاماشىلىق جاسادى. مەكتەپ جاسىنداعى بالانىڭ «وتباسىنىڭ سيفرلىق كارتاسىندا» مەكتەپكە بارمايتىن رەتىندە تىركەلگەنى انىقتالدى.
تەكسەرىس كورسەتكەندەي، قۇجاتتار بويىنشا بالا 2011 جىلى قاراعاندى قالاسىنىڭ وبلىستىق پەريناتالدىق ورتالىعىندا جاڭا تۋعان نارەستە كەزىندە قالدىرىلىپ، كەيىن وساكاروۆ اۋدانىنداعى «پيونەرسكيي» بالالار ۇيىنە تاپسىرىلعان.
پروكۋراتۋرا بۇل اقپاراتتىڭ شىندىققا سايكەس كەلمەيتىنىن، بالانىڭ ءىس جۇزىندە جوعالىپ كەتكەنىن جانە ونىڭ قايدا جۇرگەنى بەلگىسىز ەكەنىن انىقتادى.
وساكاروۆ اۋدانى پروكۋرورىنىڭ نۇسقاۋى بويىنشا ق ر قىلمىستىق كودەكسىنىڭ 135-بابى («كامەلەتكە تولماعانداردى ساۋدالاۋ») فاكتىسى بويىنشا سوتقا دەيىنگى تەرگەپ-تەكسەرۋ باستالدى.