رۋمىنيا مەن گرەسيادا ورمان ورتەنىپ جاتىر

اپتاپ ىستىق پەن جەلدىڭ سالدارىنان رۋمىنيا مەن گرەسيادا ورمان ءورتى ءورشىپ تۇر، دەپ حابارلايدى اlmaty-akshamy.kz Euronews-كە سىلتەمە جاساپ.

اپتاپ ىستىق پەن قۇرعاق اۋا رايى رۋمىنيانىڭ بىرنەشە وكرۋگىندە ورمان ورتىنە سەبەپشى بولدى. ءورت سوندىرۋشىلەر ءتىلسىز جاۋدىڭ تۇرعىن ۇيلەرگە جەتۋىنە جول بەرمەۋ ءۇشىن بارىنشا تىرىسىپ جاتىر. ءورتتىڭ ورمان القاپتارى ارقىلى تارالۋىنا جول بەرگىسى جوق. 

نيامس ۋەزىنىڭ بيلىگى ءبىر ۋاقىتتا بىرنەشە ورمان ءورتى شىققاننان كەيىن ءۇش كۇن بويى جوعارى دايىندىقتا بولدى. كەيبىر اۋدانداردا سۋ تاپشىلىعى بار.

گرەسيادا ءورت سوندىرۋشىلەر مەن توتەنشە جاعدايلار قىزمەتى وسى بەيسەنبىدە افينى ماڭىنداعى ورماندا ورنالاسقان XII عاسىرداعى موناستىردا اۋقىمدى جاتتىعۋلارعا قاتىستى. ماقسات — ءورت ءقاۋپى جوعارى ماۋسىمعا دايىندىق، ول ادەتتە مامىر ايىندا وتەتىن.

الايدا ناۋرىز ايىنىڭ سوڭىندا ەلدەگى تەمپەراتۋرا سەلسيي بويىنشا 30 گرادۋسقا جەتىپ، ورمان ورتتەرى جوسپارلانعاننان بىرنەشە اپتا بۇرىن باستالدى.

كۇن وتكەن سايىن ارتىپ كەلە جاتقان شامادان تىس ىستىققا بايلانىستى گرەسياداعى ورمان ورتتەرى دە ۋقىمدى بولىپ كەلەدى. 2018 جىلى اتتيكاداعى ءورت سوڭعى 150 جىلدا ەڭ ءقاۋىپتى ءورت رەتىندە تىركەلىپ، جۇزدەن استام ادامنىڭ ءومىرىن قيعان بولاتىن.