بۇگىننەن باستاپ قۇلسارى-اتىراۋ باعىتىندا جولاۋشىلار پويىزى تەگىن قاتىنايدى.
كەشە رەسپۋبليكالىق ماڭىزى بار دوسسور-قۇلسارى اراسىنداعى تاس جولدى سۋ شايىپ كەتتى. بۇگىن ساعات 10:30-دا پويىز قۇلسارى ستانسياسىنان وبلىس ورتالىعىنا اتتانادى، دەپ حابارلايدى اlmaty-akshamy.kz 24 kz-كە سىلتەمە جاساپ.
جولاۋشىلاردىڭ سۇرانىسىنا سايكەس جىلىوي اۋدانىنا قاراستى شوقپارتوعاي مەن ماقات ستانسيالارىنا دا توقتايدى. شوقپارتوعاي اۋىلى ارالدا قالعاننان كەيىن ەلدى مەكەنگە ازىق-تۇلىك، قاجەتتى قۇرال-جابدىقتار جەتكىزۋ جوسپارلانىپ وتىر.
ءجۇسىپ قاليحانوۆ، قۇلسارى تەمىرجول ستانسياسىنىڭ باستىعى:
- جىلىوي اۋدانىنداعى توتەنشە جاعدايعا بايلانىستى قازاقستان تەمىرجولى اتىنان 5 ۆاگون بەرىلدى. جالپى تەگىن. جولاۋشىلارعا بيلەت ساتىلمايدى. اتىراۋعا بارام دەۋشىلەر بولسا، شوقپارتوعايعا بارام دەۋشىلەر بولسا، جولدا ماقات، دوسسور دەگەن ستانسيالارعا بارام دەۋشىلەر بولسا وسى پويىزعا مىنۋىنە بولادى.