جاڭا وقۋ جىلىنىڭ العاشقى كۇنىندە ەل پرەزيدەنتى قاسىم-جومارت توقايەۆ قازاقستان حالقىنا كەزەكتى جولداۋىن جاريالادى.
جولداۋدى تاعاتسىزدانا كۇتىپ، تىڭداپ شىقتىم. سەبەبى، قازاقستان رەسپۋبليكاسىنىڭ ازاماتشاسى رەتىندە جاڭا قازاقستاندى قۇرۋ جولىنداعى وزگەرىستەر مەن جوسپارلار، ناقتى قادامدارمەن تانىس بولعىم كەلدى، دەپ حابارلايدى Almaty-akshamy.kz.
پرەزيدەنت قازاقستان حالقىنا جاساعان كەزەكتى جولداۋىندا ەلىمىزدەگى جۇرگىزىلىپ وتىرعان كونستيتۋسيالىق رەفورمانىڭ نەگىزگى باعىتى – ساياسي-الەۋمەتتىك جۇيەنى جاڭعىرتۋ ارقىلى ادىلەتتى قازاقستاندى قۇرۋ ەكەندىگىن باسا ايتىپ، حالىقتىڭ ءال-اۋقاتىن ارتتىرۋ، تۇرمىسى تومەن وتباسىلاردىڭ جاعدايىنا كوڭىل ءبولىپ، مۇمكىندىگى شەكتەۋلى ازاماتتاردىڭ جاعدايىن جاقسارتۋ، كىشى جانە ورتا بيزنەستى دامىتۋ، ماكروەكونوميكالىق جۇيەنى تۇراقتاندىرۋ، جاڭا سالىق ساياساتىن ەنگىزۋ وزگە دە باعىتتارعا «ءبىر تەرەزە» قاعيداتىن ەنگىزۋدى اتاپ ءوتتى.ساياسي قۇجاتتىڭ نەگىزگى بولىگى ەلىمىزدىڭ الەۋمەتتىك-ەكونوميكالىق دامۋى مەن تىڭ جاڭالىقتارعا تولى بولدى. مۇنىمەن بىرگە، ءبىلىم، بالا بولاشاعى، تابىستى ۇلت بولۋدىڭ ساتىلارىنا دا كەزەكپەن توقتالدى.
اسىرەسە، جولداۋدا مەنى قىزىقتىرعانى، پرەزيدەنتتىڭ «ءبىز «ازامات – بيزنەس-مەملەكەت» اراسىنداعى قاتىناستى تۇبەگەيلى وزگەرتەمىز» دەگەن ءسوزى كوپ كاسىپكەرگە سەرپىن بەرگەندەي. ونىڭ دالەلى شاعىن جانە ورتا بيزنەستى دامىتۋعا قاتىستى ءبىرقات ار باعىتت اردى ۇسىندى. مۇنىمەن قوسا قاراپايىم ەڭبەك ادامدارىن نازاردان تىس قالدىرماي، ەڭ تومەنگى جالاقىنى 70 مىڭعا دەيىن كوتەرۋ كەرەكتىگىن قاداپ
ايتتى.
ءبىز ساياسي ترانسفورماسيامەن، ساياسي باسەكەلەستىكتىڭ وسۋىمەن، جاڭا سىن-تەگەۋرىندەرگە جاۋاپ ىزدەۋمەن سيپاتتالاتىن مەملەكەتىمىزدىڭ دامۋىنىڭ جاڭا كەزەڭىنە كىردىك. ساياسي قۇجاتتىڭ سوڭىندا پرەزيدەنت ەلىمىزدىڭ ساياسي ومىرىندە ءبىرقاتار وزگەرىستەر ورىنالاتىندىعىن جەتكىزدى.
ادىلەتتى قازاقستاندا وتباسى گۇلدەنگەن، ۇلت – ءبىلىمدى جانە دەنى ساۋ قوعام – ەڭبەككە قابىلەتتى جانە بەلسەندى بولۋى ءتيىس. حالىق ۇنىنە قۇلاق اس اتىن مەملەكەت تۇجىرىمداماسى نەگىزىندە قازاقستاندىق قوعام تەڭ قۇقىقتار مەن مۇمكىندىكتەردىڭ، ءبىرىڭعاي زاڭ مەن ءتارتىپتىڭ، ادىلدىكتى قامتاماسىز ەتۋدىڭ الاڭىنا اينالۋى ءۇشىن ۇلكەن جۇمىس كۇتىپ تۇر.