اپات ايتىپ كەلمەيدى: تاعى دا قۇبىر جارىلدى.
قوستاناي وبلىسىنىڭ رۋدنىي قالاسىندا قۇبىر جارىلىپ، 24 كوپ قاباتتى جانە 59 جەر ءۇي جىلۋسىز قالدى. بۇل تۋرالى قوستاناي وبلىسى اكىمدىگىنىڭ باسپا ءسوز قىزمەتىنەن ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«19 قاڭتار كۇنى ساعات 10:30-دا گورنياكوۆ كوشەسى بويىندا جىلۋ قۇبىرىنىڭ ديامەترى 530 مم بولاتىن بولىگى جارىلدى. وسىعان بايلانىستى 24 كوپقاباتتى تۇرعىن ءۇي، 59 جەكە ءۇي جانە 16 زاڭدى تۇلعا جىلۋدان اجىراتىلدى. قۇبىردىڭ جارىلعان ۋچاسكەسىن انىقتاۋ قاجەت. وقيعا ورنىندا «رۋدنىي جىلۋ جەلىلەرىنىڭ» اپاتتىق بريگاداسى جۇمىس ىستەپ جاتىر. مۇمكىندىگىنشە قىسقا مەرزىمدە جىلۋ بەرۋ تولىق قالپىنا كەلتىرىلەدى»، - دەپ ءمالىم ەتتى قوستاناي وبلىسى اكىمدىگىنىڭ باسپا ءسوز قىزمەتىنەن.