اتالعان دەرەكتى عىلىم جانە جوعارى ءبىلىم ءمينيسترى ساياسات نۇربەك كەلتىردى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ەلىمىزدە ونلاين ساۋدانى ىلگەرىلەتۋ جانە حالىقتىڭ قارجىلىق ساۋاتتىلىعىن ارتتىرۋدا ارىپتەستىك باعىتتا جۇمىس ىستەۋگە دايىنبىز. ءوز كەزەگىمىزدە وقۋ، بىلىكتىلىكتى ارتتىرۋ جاعىنان قول ۇشىن سوزا الامىز. وتكەن جىلى بىزدە وتە جاقسى باستاما قولعا الىندى – ونلاين ساۋدا بويىنشا كۋرس ازىرلەپ، كەيىن ونى ۋنيۆەرسيتەتتەردىڭ وقۋ باعدارلاماسىنا ەنگىزۋ. بۇعان دەيىن ايتقانىمداي، ساۋدا سالاسى كۇن ساناپ دامىپ كەلەدى. ءقازىر ءتۇرلى ساۋدا الاڭدارى مەن ونلاين ساۋدا قىزمەتتەرى بار. كەرەك دۇنيەنى ۇيدە وتىرىپ-اق ساتىپ الۋعا بولادى»، - دەدى ساياسات نۇربەك ەلوردادا وتكەن ەلەكتروندىق كوممەرسيا مەكتەبىنىڭ جۇمىس قورىتىندىسىنا ارنالعان شارا بارىسىندا.
ءمينيستردىڭ بولجامىنشا، بولاشاقتا ساۋدا جاساۋعا ءبىر جەرگە بارۋدىڭ قاجەتى بولماۋى دا مۇمكىن.
جوعارى ءبىلىم سالاسىنداعى تاعى ءبىر جاڭاشىلدىق – ۋنيۆەرسيتەتتەر قابىرعاسىندا ستۋدەنتتەردىڭ قارجىلىق ساۋاتتىلىعىن ارتتىرۋ جانە ينتەرنەت الاياقتىقتان ساق بولۋعا ۇيرەتەتىن كۋرستار پايدا بولادى. مينيستر قارجىلىق ساۋاتتىلىقتىڭ تايازدىعى كەي كەزدە قايعىلى جاعدايعا دۋشار ەتەتىنىنە دە توقتالىپ ءوتتى.
«وكىنىشكە قاراي، قۇمار جانە ونلاين ويىندارعا ءۇيىر، ۇتىس تىگەتىن جانە ونلاين كرەديت الاتىن ازاماتتاردىڭ سانى ازايماي تۇر. اسىرەسە، جاستار اراسىندا. كەيبىر جاعدايدا قارجىلىق ساۋاتتىلىعى تاياز ازاماتتار اتالعان ۇيىمداردىڭ الداۋىنا ءتۇسىپ قالىپ جاتادى. ناتيجەسىندە تىعىرىقتان شىعۋ جولىن تاپپاعان جاستار سۋيسيدكە قادام باسادى»، - دەيدى ۆەدومستۆو باسشىسى.