روزا باعلانوۆا كوللەكسيالىق مونەتاسى اينالىمعا شىعادى

قازاقستان ۇلتتىق بانكى ROZA BAǴLANOVA. 100 JYL كوللەكسيالىق مونەتاسىن اينالىمعا شىعارادى

مونەتانىڭ ساتىلىمعا شىعاتىن كۇنىنە قاتىستى اقپارات قۇب سايتىندا قوسىمشا جاريالانادى. نومينالى 100 تەڭگەلىك مەلحيوردان سوعىلعان مونەتا «ەستە قالاتىن وقيعالار مەن ءبىرتۋار ادامدار» سەرياسىن جالعاستىرادى. كسرو حالىق ءارتيسى، قازاقستاننىڭ حالىق قاھارمانى، كەڭەستىڭ جانە قازاقتىڭ وپەرا جانە ەسترادا ءانشىسى روزا باعلانوۆانىڭ تۋعانىنا 2022 جىلى 100 جىل تولادى، دەپ حابارلايدى Almaty-akshamy.kz قازاقپاراتقا سىلتەمە جاساپ. 

مونەتا بەتىنىڭ (اۆەرسىنىڭ) ورتالىق بولىگىندە قازاقستاننىڭ مەملەكەتتىك ەلتاڭباسى بەينەلەنگەن. ەلتاڭبانىڭ وڭ جاعى مەن سول جاعىندا ويۋ-ورنەك ەلەمەنتتەرى ورنالاسقان. مونەتانى اينالدىرا QAZAQSTAN ULTTYQ BANKI • NATIONAL BANK OF KAZAKHSTAN دەگەن جازۋ جازىلعان. تومەنگى بولىگىنەن مونەتانىڭ نومينالىن بىلدىرەتىن 100 TEŃGE جازۋىن كورۋگە بولادى. مونەتانىڭ ەكىنشى بەتىندە (ريەۆەرسىندە) روزا باعلانوۆانىڭ سۋرەتى، پورترەتتىڭ سول جاعىندا مەرەيتويلىق داتانى بىلدىرەتىن 100 JYL دەگەن جازۋ بار. مونەتانى اينالدىرا «اح، سامارا-گورودوك» ءانىنىڭ نوتالارى، ROZA BAǴLANOVA، مونەتانىڭ شىققان جىلىن بىلدىرەتىن «2022» دەگەن جازۋلار بار.

كوللەكسيالىق مونەتا من25 مەلحيور قۇيماسىنان، 15 گرامم سالماقتا، 33 مم ديامەترمەن، brilliant uncirculated ساپادا، 100 تەڭگەلىك نومينالمەن 15 000 دانا بولىپ شىقتى. مونەتا كوللەكسيالىق قۇنى بويىنشا ساتۋعا ارنالعان. ولار قازاقستان رەسپۋبليكاسىنىڭ اۋماعىندا بارلىق تولەم ءتۇرى بويىنشا نومينالدى قۇنىنا ساي قابىلدانادى، سونداي-اق مونەتالاردى بانك شوتتارىنا سالىپ، اۋدارىم جاساۋعا، قازاقستان رەسپۋبليكاسىنىڭ بارلىق بانكىندە ايىرباستاپ، ۇساقتاۋعا بولادى.

كوللەكسيالىق مونەتا قازاقستاننىڭ تەڭگە سارايىندا جاسالعان.