جاڭا 2022 جىلعا ساناۋلى كۇن قالدى.
ءداستۇر بويىنشا ءبىز وتكەن جىلدىڭ قورىتىندىسىن شىعارىپ، جاڭا ماقساتتار مەن مىندەتتەر قويىپ جاتىرمىز. Almaty-akshamy.kz ءتىلشىسى Alataý Aqparat مەدياحولدينگىنىڭ سوڭعى 365 كۇندەگى ەڭ ماڭىزدى جانە اسەرلى وقيعالارىنا شولۋ جاسايدى.
ءوتىپ بارا جاتقان جىل ەرەكشە بولدى، ەلىمىز تاۋەلسىزدىگىنىڭ 30 جىلدىعىن اتاپ ءوتتى. جىل بويى «الماتى-اقشامى» جانە «ۆەچەرنيي الماتى» گازەتتەرىندە، باسىلىم سايتتارىندا نومىردەن نومىرگە، شىعارىلىمنان شىعارىلىمعا دەيىن تاريح بەتتەرىن پاراقتادىق، ەگەمەندى ەلدىڭ شەجىرەسىنە ەسىمدەرى التىن ارىپتەرمەن جازىلعان ەل اۋزىندا جۇرگەن كورنەكتى تۇلعالارمەن تانىستىردىق، «تاۋەلسىزدىك قۇرداستارى» اتتى ارنايى تاقىرىپتىق ايدارمەن جاڭا ەسىمدەر دە بەلگىلى بولدى.
ءبىز ءۇشىن 2021 جىلى قوس مەرەكە قاتار كەلدى. ەلىمىزدىڭ اقساقال جاسىنداعى باسىلىمدارىنىڭ ءبىرى، «Alataý Aqparat» مەدياحولدينگىنىڭ قۇرامىنا كىرەتىن «ۆەچەرنيي الماتى» گازەتى 85 جىلدىق مەرەيتويىن اتاپ ءوتتى!
وسى ماڭىزدى شاراعا وراي، ارنايى الماتى قالاسى اكىمدىگىنىڭ قولداۋىمەن قالا حابارشىسىنا رەبرەندينگ جاسالدى. گازەتتىڭ كەلبەتى ايتارلىقتاي وزگەردى: زاماناۋي ديزاين مەن جاڭا ايدارلار پايدا بولدى، اۆتورلىق مازمۇن كوبىرەك قامتىلدى، قالا تىنىسىن باياندايتىن حابارلامالار باسىلىمدا قايتا جاريالانا باستادى.
85 جىلدىق تاريحى مەن جاسىنا قاراماستان، بۇل باسىلىم زامان كوشىنە ىلەسىپ كەلەدى. بۇگىندە «الماتى اقشامى» مەن «ۆەچەرنيي الماتى» گازەتتەرى جاي عانا گازەت ەمەس، سونىمەن قاتار قالالىق جاڭالىقتاردىڭ، Almaty-akshamy.kz جانە Vecher.kz ينتەرنەت-پورتالدارىنا اينالدى. سيفرلىق اقپاراتتىق مۇراعات قۇرۋ جوباسى اياقتالۋعا جاقىن، ونداعان جىلدار بويى جارىق كورگەن گازەتتىڭ كوشىرمەلەرى وقىرماندارعا ەلەكتروندى فورماتتا قولجەتىمدى بولادى.
«اقشام» جاققان جۇلدىزدار
مەدياحولدينگتىڭ باسىلىمدارىن دامىتۋ ستراتەگياسى بەلسەندى قوعامدىق قايراتكەرلىكتى، اتاپ ايتقاندا، الەۋمەتتىك جوبالارداعى بەلسىندىلىكتى كوزدەيدى جانە قامتيدى.
سونىڭ ءبىرى «الماتى-اقشامى» جانە «ۆەچەرنيي الماتى» گازەتتەرىنىڭ ارنايى جۇلدەسى ءۇشىن بالالار مەن جاسوسپىرىمدەر شىعارماشىلىعىنىڭ ونلاين بايقاۋى بولدى. ول جىل بويى وتكىزىلىپ، قازاقستان حالقىنىڭ بىرلىگى كۇنى، وتان قورعاۋشىلار كۇنى، ۇلى وتان سوعىسىنداعى جەڭىس كۇنى، حالىقارالىق بالالاردى قورعاۋ كۇنى سياقتى ماڭىزدى كۇندەرگە ورايلاستىرىلدى. جاس دارىندارعا نوۋتبۋك، سمارتفون جانە باسقا دا گادجەتتەر تۇرىندەگى باعالى سىيلىقتار تابىس ەتىلدى.
جازىلىڭىز دا ۇتىپ الىڭىز!
85 جىل ىشىندە «ۆەچەركا» الماتىنىڭ باستى سيمۆولدارىنىڭ بىرىنە اينالدى. باسىلىمنىڭ مەرەيتويى – گازەتتى شىعارعان جانە جاساپ جاتقانداردىڭ عانا ەمەس، ونىڭ بارلىق ادال جانكۇيەرىنىڭ مەرەكەسى. وقىرماندار گازەتكە جازىلۋدىڭ يگى ءداستۇرىن بالالارى مەن نەمەرەلەرىنە مۇرا ەتىپ قالدىرىپ، ونداعان جىلدار بويى ماحابباتىمەن الديلەپ كەلەدى.
ناۋرىز ايىندا گازەتكە جازىلعان وقىرماندار اراسىندا «جازىلىڭىز دا، ۇتىپ الىڭىز!» بايقاۋى جەڭىمپازدارىنىڭ ەسىمدەرى بەلگىلى بولدى. ەڭ ۇزدىك وتاندىق ساناتورييلەرگە، شيپاجايلارعا جولدامالار، تۇرمىستىق تەحنيكالار سياقتى باعالى سىيلىقتار ويناتىلدى.
تاۋعا شىعۋ دا تۇك ەمەس!
ىلە الاتاۋىنىڭ تاۋ شىڭدارىن باعىندىرۋ مەرەيتويلىق ءىس-شارانىڭ ناعىز شارىقتاۋ شەگىنە اينالدى.
«ۆەچەرنيي الماتى» گازەتىنىڭ 85 جىلدىق مەرەيتويىمەن تۇسپا-تۇس كەلگەن قازاقستان تاۋەلسىزدىگىنىڭ 30 جىلدىعىن «Alataý Aqparat» حولدينگىنىڭ ۇجىمى 28 پانفيلوۆشىلار اتىنداعى شىڭعا شىعىپ، رەداكسيانىڭ تۋىن 4120 مەتر بيىكتىكتە جەلبىرەتىپ اتاپ ءوتتى.
الىپ شىڭدى باعىندىرعاننان كەيىن، باسقا ارمان بار ما دەرسىز؟ ءبىراق ءبىزدىڭ باتىل جىگىتتەر مۇنىمەن توقتاپ قالعان جوق. ماقساتتى دا تاباندى جۋرناليستەر كوماندانىڭ بۇرىنعى رەكوردىن جاڭارتۋدى ۇيعاردى. ارينە، ول قادام ءساتتى بولدى. 3 شىلدەدە Alataý Aqparat مەدياحولدينگىنىڭ قىزمەتكەرلەرى باقىت ويسا مەن سامات قۇسايىنوۆ پانفيلوۆشىلار گۆاردياسىنىڭ 28ء-شى شىڭىنا ەكىنشى رەت كوتەرىلدى. ولار شىڭعا بەلگىلەنگەن ۋاقىتتان ەكى ساعات ەرتە جەتىپ، اۋەسقوي الپينيستەردىڭ رەكوردىن جاڭارتتى.
العان اسەرىمەن بولىسكەن باقىت ويسا شىڭعا كوتەرىلۋ وڭاي بولماعانىن، ءبىراق ءتاتۋ-تاتتى «Alatay Aqparat» كومانداسىنىڭ، «الماتى اقشامى» مەن «ۆەچەرنيي الماتى» گازەتتەرىنىڭ قىزمەتكەرلەرى مەن، ارينە، باسشىسى تولەمىس كۇلمۇحامەدوۆتىڭ قولداۋى ۇنەمى سەزىلىپ تۇرعانىن اتاپ ءوتتى. جۋرناليستەر الماتى گازەتتەرىنىڭ تاريحىندا بۇرىن-سوڭدى بولماعان وقيعانى تاۋ بيىگىنە مەرەيتويلىق ەستەلىك تاقتا ورناتۋمەن اتاپ ءوتۋدى ۇيعاردى.
سۋ – تىرشىلىك ءنارى
بيىلعى جازدىڭ وتە ىستىق، قۇرعاق بولعانى بارشاڭىزعا ءمالىم. وسى جازدا Alataý Aqparat كومانداسىنىڭ باستاماسىمەن وتكىزىلگەن «قالامىزدىڭ اعاشتارىنىڭ ءومىرىن ۇزارتۋعا قوسىل!» اتتى ەكولوگيالىق چەللەندجى قورعانسىز وسىمدىكتەر ءۇشىن ناعىز قامقورلىق بولدى.
«الماتى-اقشامى» جانە «ۆەچەرنيي الماتى» گازەتتەرىنىڭ، ينتەرنەت-باسىلىمدارىنىڭ قىزمەتكەرلەرى اباي داڭعىلى بويىنداعى جۋرناليستەر اللەياسىنداعى جانە كەڭەس ماڭىنداعى اعاشتاردى سۋارۋعا شىقتى. مەدياحولدينگ بۇل ەستافەتانى قالامداس اعالارى مەن «نوۆوە پوكولەنيە» جانە «قازاق ءۇنi»، گازەتتەرىندەگى، «الماتى» تەلەارناسىنداعى ارىپتەستەرىنە تابىس ەتتى.
يگى ءىس جۋرناليستەر قاۋىمىنىڭ باسىن قوستى. چەللەندج قالا ومىرىنە بەيجاي قارامايتىن ءاربىر قالا تۇرعىنىنىڭ تاراپىنان دا قولداۋ تاپتى. اعاش سۋارۋ مارافونىنا ەلىمىزدىڭ بەلگىلى قوعام قايراتكەرلەرى مەن ازاماتتارى دا كومەك كورسەتتى. اكسيا الماتى قالاسىنىڭ اۋداندارى مەن اۋلالارىندا عانا ەمەس، قازاقستان رەسپۋبليكاسىنىڭ ءبىرقاتار وبلىستارىندا دا قىزۋ ءجۇرىپ، جالعاسىن تاپتى.
ەڭبەك ءتۇبى – بەرەكە
وتكەن جىلى Alataý Aqparat ۇجىمىنىڭ سان قىرلى قىزمەتى مەن جەتىستىكتەرى جوعارى ماراپاتتارمەن لايىقتى باعالاندى. جۋرناليستەر قورجىنىندا قازاقستان رەسپۋبليكاسى پرەزيدەنتىنىڭ «قازاقستان رەسپۋبليكاسى تاۋەلسىزدىگىنە 30 جىل» مەرەيتويلىق مەدالدارى، مەملەكەت باسشىسىنىڭ اتىنان العىس حاتتار، «ەڭبەك ارداگەرى» مەدالى، «اقپارات سالاسىنىڭ ۇزدىگى» توسبەلگىلەرى، اقپارات جانە الەۋمەتتىك دامۋ مينيسترلىگىنىڭ، الماتى قالاسى اكىمدىگىنىڭ، رەسپۋبليكالىق جۋرناليستيكا اكادەمياسىنىڭ، ەلىمىزدىڭ جۋرناليستەر وداعى جانە قازاقستان رەسپۋبليكاسى الپينيستەر قاۋىمداستىعىنىڭ، «نيەۆادا – سەمەي» انتيادرولىق قوزعالىسىنىڭ 30 جىلدىعىنا ارنالعان مەدالى جانە ت.ب. مەرەكەلىك ماراپاتتار بار.
گازەتتىڭ قوعامدىق-ساياسي، الەۋمەتتىك-ەكونوميكالىق، مادەني-گۋمانيتارلىق سالالاردى اقپاراتتى قامتۋعا قوسقان ەرەكشە ۇلەسى جوعارى دەڭگەيدە اتاپ ءوتىلدى. مەملەكەت باسشىسى قاسىم-جومارت توقايەۆ قازاقستان جۋرناليستەرى كۇنىن مەرەكەلەۋ اياسىندا «ۆەچەرنيي الماتى» رەداكسياسىنىڭ شىعارماشىلىق ۇجىمىنا ناتيجەلى جۇمىسى ءۇشىن العىس ءبىلدىردى.
قازاقستان پرەزيدەنتى باسىلىمنىڭ قالانىڭ، جالپى ەلىمىزدىڭ ماڭىزدى ماسەلەلەرىن شەشۋدەگى ەرەكشە ءرولى مەن ماڭىزدىلىعىن، باسەكەگە قابىلەتتىلىگى مەن ابىرويىن اتاپ ءوتتى. وسىلايشا، الماتىلىق «ۆەچەركا» ەلدەگى باسىلىمداردىڭ اراسىندا وسىنداي جوعارى باعا العان بىردەن-بىر گازەت بولدى.
ىنتىماعى جاراسقان شىعارماشىلىق ۇجىمعا اقپارات جانە الەۋمەتتىك دامۋ ءمينيسترى ايدا بالايەۆا دا ءوز قۇتتىقتاۋىن جولدادى. ءوز كەزەگىندە رەداكسيا ۇجىمىن قۇتتىقتاۋعا الماتى قالاسىنىڭ اكىمى باقىتجان ساعىنتايەۆ تا كەلدى. مەگاپوليس باسشىسى باسىلىم ۇجىمىنا تاۋسىلماس شابىت، جاڭا شىعارماشىلىق تابىستار تىلەدى.
سەگىز قىرلى، ءبىر سىرلى...
Alataý Aqparat مەدياحولدينگىنىڭ جۋرناليستەرى تەك جازۋ شەبەرلىگىمەن عانا تانىمال ەمەس، سونىمەن قاتار ءار ءتۇرلى سپورتتىڭ جانكۇيەرلەرى. ۇجىمنىڭ كاسىبي مەرەكەسى – ب ا ق قىزمەتكەرلەرىنىڭ كۇنى جەڭىسپەن اتالىپ ءوتىلدى – «ۆەچەرنيي الماتى» گازەتى شاحماتتان قازاقستان ب ا ق وكىلدەرى اراسىندا وتكەن ءىىى كۋبوكتا ءبىرىنشى ورىندى يەلەندى.
بۇل جەڭىس باسىلىمنىڭ جانە قازاقستان تاۋەلسىزدىگىنىڭ مەرەيتويلارىن مەرەكەلەۋ Alataý Aqparat مەدياحولدينگى ۇيىمداستىرعان ب ا ق قىزمەتكەرلەرى اراسىندا بيلياردتان تۋرنيرمەن جالعاستى.
بايقاۋعا وتاندىق تەلەارنالار، مەرزىمدى باسىلىمدار مەن اقپارات اگەنتتىكتەرىنىڭ 32 وكىلى قاتىستى. سول كۇنى جۋرناليستەر قاۋىمى ميكروفوندارىن، دىبىس جازۋ قۇرىلعىلارى مەن كومپيۋتەرلەرىن بيليارد تاياعىنا ايىرباستادى. جەڭىمپازدار مەن جۇلدەگەرلەر باعالى سىيلىقتارمەن ماراپاتتالدى.
ءوتىپ بارا جاتقان جىلدىڭ سوڭىندا الماتىدا 14 كوماندانىڭ قاتىسۋىمەن «ۆەچەرنيي الماتى» گازەتىنىڭ 85 جىلدىعىنا ارنالعان ارداگەرلەر اراسىندا فۋتبولدان قىسقى قالالىق بىرىنشىلىك پەن كۋبوكتىڭ ۇتىس ويىنى ءوتتى.
مەدياحولدينگ ۇجىمى الماتىلىقتار اراسىندا سالاۋاتتى ءومىر سالتىن قالىپتاستىرۋعا ءوز ۇلەسىن قوسىپ، ۇمىت بولعان قالا داستۇرلەرىن جاڭعىرتادى. الماتىدا وتكەن اتاقتى «بىلعارى دوپ» فۋتبول ءتۋرنيرىنىڭ بۇرىنعى داڭقىن جاڭعىرتاتىن دا جوسپارىمىز بار.
اتاۋلى وقيعانىڭ باستاۋشىسى رەتىندە بيىل قۇرىلعان، سپورت ءجۋرناليسى، قازاقستان رەسپۋبليكاسىنىڭ قۇرمەتتى سپورت قايراتكەرى ءالىم ءاناپيانوۆ باسقاراتىن «Aqparat» ارداگەرلەر فۋتبول كلۋبىن ايتۋعا بولادى.
تەك جۋرناليستەر عانا ەمەس...
مەرەيتويلىق شارا اياسىندا مۇرات اۋەزوۆ، قازاقستان رەسپۋبليكاسى جۋرناليستيكا اكادەمياسىنىڭ پرەزيدەنتى ساعىمباي قوزىبايەۆ، قازاقستان جۋرناليستەر وداعىنىڭ باسقارما ءتوراعاسى سەيىتقازى ماتايەۆ سىندى كورنەكتى قوعام قايراتكەرلەرىنەن قۇرىلعان شىعارماشىلىقتى دامىتۋ جونىندەگى كەڭەستىڭ جۇمىسى شىن مانىندە ايتۋلى وقيعا بولدى. «جازۋ مايتالماندارى» توبىنىڭ جۇمىسىن پوەزيانىڭ الىبى، ادەبيەتتانۋشى ولجاس سۇلەيمەنوۆ باسقارادى. مۇنداي بەدەلدى قامقورلىق ءبىزدىڭ ماقتانىشىمىز عانا ەمەس، سونىمەن قاتار كاسىبي ءوسۋ مەن تۇلعالىق دامۋدىڭ بيىك بەلەستەرى.
بۇل ءبىزدىڭ جۋرناليستەردى شابىتتاندىرادى، ولاردىڭ كوپشىلىگى شىعارماشىلىقپەن اينالىسادى. ءسويتىپ، الماتى قالاسى اكىمدىگىنىڭ قولداۋىمەن ەل تاۋەلسىزدىگىنىڭ 30 جىلدىعىنا وراي تالانتتى ارىپتەستەرىمىزدىڭ ەكى بىردەي كىتابى بىردەن جارىققا شىقتى. «الماتى اقشامى» گازەتى باس رەداكتورىنىڭ ورىنباسارى، ق ر مادەنيەت قايراتكەرى انۋاربەك اۋەلبەكتىڭ بىردەن ەكى كىتابى – «كوڭىل كوكتەمى» جىر جيناعى مەن «تاڭعاجايىپ تالاپتان» پۋبليسيستيكالىق ەڭبەگى جارىق كوردى. ال جازۋشى، قازاقستان رەسپۋبليكاسىنىڭ ەڭبەك سىڭىرگەن مادەنيەت قايراتكەرى جانە «ۆەچەرنيي الماتى» گازەتىنىڭ ءجۋرناليسى ۆاسيليي شۋپەيكين «نە تولكو پرو ليۋبوۆ» كىتابىنىڭ تۇساۋكەسەرىن جاسادى. ۇسىنىلعان تۋىندىلار كىتاپحانا قورىن تولىقتىرىپ قانا قويماي، كىتاپ سورەلەرىنەن، الماتىلىقتاردىڭ جۇرەگىنەن لايىقتى ورىن الاتىنىنا سەنىمدىمىز.
جەتىستىككە باستار جول
ەلىمىزدە سەگىزىنشى ونجىلدىققا اياق باسقان باسىلىمدار كوپ ەمەس. ال سوناۋ 1936 جىلى «ۆەچەركانىڭ» العاشقى سانى جارىق كورگەندە، گازەتتىڭ سۇراپىل سوعىس، توقىراۋ، قايتا قۇرۋ، كسرو-نىڭ ىدىراۋى مەن تاۋەلسىز مەملەكەتتىڭ قۇرىلۋىنىڭ قيىن-قىستاۋ كەزەڭدەرىنەن امان وتەتىنىن ەشكىم ەلەستەتە الماس ەدى...
«ۆەچەركا» امان قالىپ قانا قويماي، ءوزىنىڭ وقىرمانى مەن تارتىمدىلىعىن ساقتاپ قالا الدى، زاماناۋي اقپاراتتىق كەڭىستىككە قوسىلىپ، وتاندىق ب ا ق اراسىنان لايىقتى ورنىن الدى.
قالامەن، ەلمەن بىرگە ۇزاق تاريحي جولدان وتكەن گازەت جاستىق جىگەرىن، سەرگەكتىگىن ساقتاپ قالدى. سونىمەن قاتار، "ۆەچەركانىڭ" ءومىربايانىندا جاڭعىرۋ كەزەڭى باستالدى دەپ سەنىمدى تۇردە ايتۋعا بولادى. جىل سايىنعى «№1 جىل تاڭداۋى» ۇلتتىق جوباسىنىڭ قورىتىندىسى بويىنشا جوعارى ماراپاتقا يە بولۋى - باسىلىمنىڭ «ەكىنشى تىنىسىنىڭ» اشىلعانىنىڭ تاعى ءبىر كۋاسى. قازىلار القاسى وكىلدەرىنىڭ پىكىرىنشە، بۇل ماراپات لايىقتى، ويتكەنى الماتىلىق «ۆەچەركا» بىرنەشە بۋىننىڭ سۇيىكتى گازەتى بولىپ كەلدى.
Alataý Aqparat مەدياحولدينگى ۇجىمىنىڭ وراسان ەڭبەگى، ىنتىماعى، كاسىبي شەبەرلىگى مەن ىنتا-جىگەرىنىڭ ارقاسىندا سۇيىكتى قالامىزدىڭ تۇرعىندارى تىكەلەي اقپارات الۋعا، ءىس-شارالارعا قاتىسۋشى بولۋعا جانە الماتىنىڭ دامۋىنا ۇلەس قوسۋعا مۇمكىندىك الدى.
بارشاڭىزعا جاڭا 2022 جىل قۇتتى بولسىن! سىزدەرگە زور دەنساۋلىق، ۇزاق عۇمىر، جارقىن وقيعالار، تابىستار مەن جەتىستىكتەر تىلەيمىز!