جۇڭگو استاناسىندا بوي كوتەرەتىن وليمپيادا اۋىلى سپورتشىلاردى قابىلداۋعا دايىن
شاھاردىڭ ورتالىق اۋدانىندا سالىنعان قوناق ءۇيدىڭ ماڭىندا سپورت كەشەندەرى ورنالاسقان. ۇيىمداستىرۋشىلار قاتەرلى ىندەتكە قارسى قاۋىپسىزدىك شارالارىن قامتاماسىز ەتۋگە باسىمدىق بەرگەن، دەپ حابارلايدى Almaty-akshamy.kz Qazaqtv.com سايتىنا سىلتەمە جاساپ.
پاندەمياعا بايلانىستى الەم جانكۇيەرلەرى الداعى بەيجىڭ وليمپياداسىنا تۋريست بولىپ بارا المايدى. قىتايداعى قىسقى ويىندار جەرگىلىكتى جۇرتتىڭ تاماشالاۋىمەن عانا وتەدى.
دەگەنمەن جاھاندىق سپورت بايگەسىنە تورتكۇل دۇنيە كوگىلدىر ەكران ارقىلى تەك قاشىقتان كوز تىگەدى. قازاقستاندىق جانكۇيەرلەر دە وتاندىق سپورتشىلاردى جانىن شۇبەرەككە ءتۇيىپ قولداۋعا دايىن وتىر. ەلدىڭ نامىسىن ارقالايتىن سايىپقىراندارىمىز ءدۇبىرلى دوداعا قامدانىپ، ءقازىر قىزۋ دايىندىق ۇستىندە. نەگىزگى تارتىستار باستالعانشا سپورتشىلار جاتتىعۋدى ەلدە وتكىزەدى. جارىسقا اتتانباس بۇرىن باقىلاۋ سىندارى ۇيىمداستىرىلادى. وليمپياداعا جولداما العان ۇلتتىق قۇراما ءتىزىمى رەسمي تۇردە قاڭتار ايىندا بەلگىلى بولادى.