الماتى قالاسىنىڭ توتەنشە جاعدايلار دەپارتامەنتى 18 اقپاندا قالادا جاۋىن-شاشىن مول تۇسەتىنىن ەسكەرتتى. قالادا قار ارالاس جاڭبىر جاۋىپ، تۇمان تۇسەدى، كوكتايعاق بولادى، دەپ حابارلايدى Almaty-akshamy.kz.
وسىعان وراي توتەنشەلىكتەر كولىك يەلەرى مەن جاياۋ جۇرگىنشىلەردى كوكتايعاق كەزىندە جولدا اسا مۇقيات بولۋعا شاقىردى.
كوكتايعاق كەزىندە مىنا ەرەجەلەردى قاپەردە ۇستاۋ قاجەت:
- ەسىڭىزدە بولسىن، قار مەن كوكتايعاق كەزىندە كولىك جۇرگىزۋ كۇرت ناشارلايدى جانە جۇرگىزۋشى كولىك تىزگىنىنە يە بولا الماي، سالدارىنان جاياۋ جۇرگىنشىلەردى قاعىپ كەتۋى مۇمكىن؛
- جولدان وتەردە ەرەجەدە بەلگىلەنگەن جەردەن ءوتۋ كەرەك؛
- جولدان وتكەن كەزدە، باسقا ىستەرگە (ۇيالى تەلەفونمەن سويلەسۋ جانە ت. ب.) الاڭداماڭىز؛
- اياق كيىمدى دۇرىس تاڭداۋعا نازار اۋدارۋ كەرەك. اياق كيىم بۇدىرلى ورنەگى بار تايعانامايتىن ماتەريالدان جاسالعان تەگىس تاباندى بولۋى ءتيىس؛
- قولىڭىزدى قالتاعا سالىپ جۇرسەڭىز، مۇزدا تەپە-تەڭدىكتى جوعالتۋىڭىز مۇمكىن ەكەنىن قاپەردە ۇستاڭىز؛
- ەسىڭىزدە بولسىن، تروتۋارلار، كولىك ايالدامالارى، دۇكەندەرگە كىرە بەرىستەگى باسپالداقتار، ءتىپتى ءۇيدىڭ كىرەبەرىسى ادامدار ءجيى قۇلاپ، جاراقات الاتىن جەرلەر بولىپ سانالادى.