الماتىعا جۇمىس ساپارى بارىسىندا قازاقستان رەسپۋبليكاسى پرەمەر-مينيسترىنىڭ ءبىرىنشى ورىنباسارى رومان سكليار قالالىق پوليسيا پەپارتامەنتىندە بولىپ، مەملەكەت باسشىسىنىڭ پوليسيا بولىمشەلەرىندە ۇزدىكسىز بەينەباقىلاۋ جۇيەسىن ەنگىزۋ جانە ازاماتتاردىڭ كونستيتۋسيالىق قۇقىقتارىن قورعاۋ تۋرالى تاپسىرماسىنىڭ ورىندالۋ بارىسىمەن تانىستى.
رومان سكليار ىشكى ىستەر ورگاندارىنىڭ كۇشتەرى مەن قۇرالدارىن باسقارۋدىڭ قۋاتتى كەشەنى دەپ تابىلاتىن پد جەدەل باسقارۋ ورتالىعىندا بولدى، دەپ حابارلايدى Almaty-akshamy.kz.
Polisia.kzء-تىڭ اقپاراتى بويىنشا، ول قالاداعى جەدەل جاعدايدىڭ جاي-كۇيىن باقىلاۋعا، قىلمىستاردى، تارتىپسىزدىكتەردى، تابيعي اپاتتاردى، توتەنشە جاعدايلاردى جانە باسقا دا جاعدايلار بويىنشا قىزمەتتەر مەن بولىمشەلەردىڭ ءىس-قيمىلدارىن ۇيلەستىرۋگە ارنالعان.
بۇگىنگى ءومىر جاعدايىندا ازاماتتاردىڭ جانە ولاردىڭ مۇلكىنىڭ قاۋىپسىزدىگىن جوعارى دەڭگەيدە قامتاماسىز ەتۋگە مۇمكىندىك بەرەتىن اقپاراتتىق تەحنولوگيالارعا ماڭىزدى ءرول بەرىلەدى. بۇگىندە الماتىدا 128 مىڭنان استام بەينەباقىلاۋ كامەرالارى قولدانىلادى. پد-عا ءىسساپار بارىسىندا رومان سكليارعا بۇقارالىق ءىس-شارالاردى سۇيەمەلدەۋ كەزىندە رەسمي تاپسىرمالاردى جىلدام ورىنداۋعا مۇمكىندىك بەرەتىن بايلانىس كەشەنىنىڭ جۇمىسى دا كورسەتىلدى.