ۆەلوترەكتەن ءۇندىستاننىڭ استاناسى – دەلي قالاسىندا ءوتىپ جاتقان ەرەسەكتەر اراسىنداعى ازيا چەمپيوناتىندا قازاقستان قورجىنىنا ەكىنشى مەدال ءتۇستى، دەپ حابارلادى تۋريزم جانە سپورت مينيسترلىگى سپورتتى دامىتۋ ديرەكسياسى.
توپتان تىس قالۋ جارىسىندا راميس دىنمۇحامەتوۆ قولا جۇلدەگەر اتاندى. وسى باعدارلامادا ايەلدەر اراسىندا ۇلتتىق قۇرامانىڭ كوشباسشىسى ريناتا سۇلتانوۆا جۇلدەگە ءبىر تابان جەتپەي، مارەگە ءتورتىنشى بولىپ جەتتى. ال سپرينتتە دميتريي رەزانوۆ فينيشكە 10-شى، اندرەي چۋگاي 13-بولىپ كەلدى.
راميس دىنمۇحامەتوۆ بىلتىر مالايزيادا وتكەن ازيا چەمپيوناتىندا جەكەلەي سىندا كۇمىس، كوماندالىق جارىستا قولا مەدال جەڭىپ العان. ودان كەيىن قىتايدىڭ حانچجوۋ قالاسىندا وتكەن جازعى ازيا ويىندارىندا «مەديسون» باعدارلاماسىندا ارتەم زاحاروۆپەن جۇپتاسىپ، قولا جۇلدەگەر اتانعان.