ريم پاپاسى ءدىني قىزمەتكەرلەرگە ۋاعىزدارىن 8 مينۋتپەن شەكتەۋگە كەڭەس بەردى. ايتپەسە، ادامدار ۇزاق «ءدىني باياندامادان» شارشاپ، نازارىن باسقا جاققا اۋدارۋى مۇمكىن، دەپ حابارلايدى اlmaty-akshamy.kz.
The Guardian گازەتىنىڭ مالىمەتىنشە، ريم پاپاسى شىركەۋ قىزمەتىندەگى حابارلامانىڭ ۇزاق بولماۋىن ەسكە سالعان. قىسقا ايتىلعان ۋاعىز ادامداردى وي مەن سەزىمگە جەتەلەۋگە ءتيىس. ۇزاق ۋاعىزدان قالجىراعانداردىڭ ويىنا نەشە ءتۇرلى نارسە تۇسەتىنى ايتپاسا دا تۇسىنىكتى.
«ادامدار ۇيىقتاپ جاتىر جانە ولاردىكى دۇرىس»، - دەدى 87 جاستاعى پونتيفيك.
ەستەرىڭىزگە سالساق، كاردينال حورحە ماريو بەرگولو 2013 جىلدىڭ ناۋرىز ايىنىڭ ورتاسىندا كاتوليكتىك شىركەۋدى باسقارۋ ءۇشىن كونكلاۆتاعى داۋىس بەرۋدىڭ بەسىنشى تۋرىندا 266-شى ريم پاپاسى بولىپ سايلانعان ەدى. ول فرانسيسك دەگەن ەسىمدى يەلەندى. بۇرىنعى ريم پاپاسى بەنەديكت XVI دەنساۋلىعىنا بايلانىستى تاقتان ءوز ەركىمەن كەتكەن بولاتىن.