الماتى اكىمى ەربولات دوسايەۆ قارعالى وزەنىنىڭ جاعالاۋىن رەكونسترۋكسيالاۋ جۇمىستارىنىڭ بارىسىمەن تانىستى، دەپ حابارلايدى almaty-akshamy.kz
الماتى اكىمى ەربولات دوسايەۆ جۇمىس ساپارى بارىسىندا ناۋرىزباي اۋدانىنداعى قارعالى وزەنىنىڭ جاعالاۋىن رەكونسترۋكسيالاۋ جۇمىستارىنىڭ بارىسىمەن تانىستى. سەلدەن قورعاۋ بوگەتىنەن جاندوسوۆ كوشەسىنە دەيىنگى ۇزىندىعى 7،7 كم ۋچاسكە اباتتاندىرىلادى جانە مودەرنيزاسيالانادى.
ناۋرىزباي اۋدانىنىڭ اكىمى نازيرا توعىزبايەۆا قالا باسشىسىنا ەسەپ بەردى، مۇندا جوبا بويىنشا جاياۋ جۇرگىنشىلەر ايماعىن جايلاستىرۋ، سىرتقى جارىقتاندىرۋ جەلىلەرىن ورناتۋ، سۋارۋ جۇيەسىن سالۋ، 6 كوپىر وتكەلى، بالالار ويىن جانە سپورت الاڭدارى، كوشە جيھازدارىن ورناتۋ قاراستىرىلعان. سونداي-اق، 3 مىڭ جاپىراقتى جانە قىلقان جاپىراقتى اعاشتار وتىرعىزىلادى. بارلىق قۇرىلىس جۇمىستارىن وسى جىلدىڭ سوڭىنا دەيىن اياقتاۋ جوسپارلانۋدا.
جوبانىڭ ماڭىزدى بولىگى بالالار مەن سپورت الاڭدارى، جاياۋ جۇرگىنشى جولدارى جانە وزەن جاعاسىندا دەمالۋ مۇمكىندىگى بار جاڭا قوعامدىق كەڭىستىك قۇرۋ بولىپ تابىلادى. بالالارعا ارنالعان قۇمسالعىشتار مەن سۋ ايماقتارى، سونداي-اق ورىندىقتار مەن ۇستەلدەر بار ءارى اتا-انالارعا ارنالعان دەمالىس ايماقتارىن قۇرۋ جوسپارلانۋدا.
«وزەن ارناسى تازارتىلادى. جالپى الاڭى 3،7 مىڭ شارشى مەتر بولاتىن تروتۋار توسەمى جاسالادى، تۇراق الاڭى – 2 مىڭ شارشى مەتردەن استام، كوگالداندىرۋ-3،8 گەكتاردان استام. كەلۋشىلەردىڭ جايلىلىعى ءۇشىن 135 ورىندىق پەن ۋرنا ورناتۋ جوسپارلانۋدا»، - دەپ اتاپ ءوتتى ن. توعىزبايەۆا.
ەربولات دوسايەۆ مودەرنيزاسيا كەزىندە ساپالى قۇرىلىس ماتەريالدارىن پايدالانۋ ماڭىزدى ەكەنىن اتاپ ءوتتى. مەگاپوليس اكىمى ءارتۇرلى ەرەكشەلىكتەرى مەن قاجەتتىلىكتەرى بار بالالاردىڭ قول جەتىمدىلىگىن قامتاماسىز ەتۋ ءۇشىن ويىن الاڭدارىندا ينكليۋزيۆتى ەلەمەنتتەردى قاراستىرۋ قاداپ تۇرىپ ايتتى.
كوپىر جولدارىن رەكونسترۋكسيالاۋ كەزىندە جاياۋ جۇرگىنشىلەر مەن ۆەلوسيپەدشىلەردىڭ قاۋىپسىزدىگىنە جانە قول جەتىمدىلىككە ەرەكشە ءمان بەرىلەدى. سونداي-اق، جالپى ۇزىندىعى 2،7 كم سۋارمالى سۋ قۇبىرى جاسالادى، ىسكە اسىرىلىپ جاتقان جوبا قارعالى وزەنىنىڭ جاعالاۋىن قالا شەگىندەگى بىرەگەي تابيعي ساياباققا اينالدىرادى.
رەكونسترۋكسيالانىپ جاتقان ۋچاسكەگە بارعان كەزدە قالا باسشىسى ءبىرقاتار كەمشىلىكتەرگە نازار اۋدارىپ، ىرگەلەس اۋماقتى رەتكە كەلتىرۋدى، قالا تۇرعىندارىنىڭ ىڭعايلى ءوتۋى ءۇشىن جاياۋ جۇرگىنشىلەر جولدارىن سالۋدى، قارعالى وزەنىنىڭ ارناسىن زەرتتەۋدى اياقتاۋدى، ۇيلەردىڭ نومىرلەنۋىن جۇيەلەۋدى تاپسىردى.
مەگاپوليس اكىمى ەربولات دوسايەۆ ايتىلعان ەسكەرتۋلەردى نازارعا الۋدى، بەلگىلەنگەن كەستەگە سايكەس جۇمىستاردى جالعاستىرۋدى تاپسىردى.
ەستەرىڭىزگە سالا كەتەيىك، جەتىسۋ اۋدانىندا ەسەنتاي وزەنىنىڭ جاعالاۋىن اباتتاندىرۋ جۇمىستارى باستالدى. جاعالاۋدىڭ جالپى ۇزىندىعى 1200 مەتردى قۇرايدى. رەكونسترۋكسيالاۋ اياسىندا وزەن ارناسى تازارتىلادى، سونداي-اق سەرۋەندەۋ ايماعى قۇرىلادى.