قما شىعىس قازاقستان وبلىسى بويىنشا دەپارتامەنتى جۇرگىزگەن تەرگەۋ بارىسىندا ريددەر جەو-نىڭ بۇرىنعى مەنشىك يەلەرى 5،5 ملرد تەڭگەدەن استام بورىشىن، ونىڭ ىشىندە جالاقى جانە سالىق مىندەتتەمەلەرى بويىنشا قارىزدارىن تولەدى، دەپ حابارلايدى almaty-akshamy.kz
وسىلايشا، جىلۋ ەنەرگياسىن ءوندىرۋ ستانسياسى قارىزسىز مەملەكەت مەنشىگىنە وتەۋسىز نەگىزدە قايتارىلدى.
ەستەرىڭىزگە سالا كەتەيىك، ريددەر جەو-نىڭ بۇرىنعى لاۋازىمدى تۇلعالارى جوندەۋ جۇمىستارىنا ارنالعان قاراجاتتى ۇرلاعان، ناتيجەسىندە قالا تۇرعىندارى جىلۋ ەنەرگياسىن بەرۋ كەزىندە ستانسيا بىرنەشە رەت ىستەن شىققان. جىلۋ ەلەكتر ورتالىعىنىڭ بۇرىنعى باسشىلارىنا قاتىستى مەملەكەتكە اسا ءىرى مولشەردە، 4،1 ملرد تەڭگە سوماسىندا زالال كەلتىردى دەگەن كۇدىكپەن، الاياقتىق فاكتىسى بويىنشا تەرگەۋ جۇرگىزىلۋدە.
ق ر قپك-نىڭ 201-بابىنىڭ تالاپتارىنا سايكەس سوتقا دەيىنگى تەرگەپ-تەكسەرۋدىڭ وزگە دە دەرەكتەرى جاريا ەتىلۋگە جاتپايدى.
️ق ر كونستيتۋسياسىنىڭ 77-بابىنىڭ 3-تارماعىنىڭ 1-تارماقشاسىنا جانە ق ر قىلمىستىق-پروسەستىك كودەكسىنىڭ 19-بابىنىڭ 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن اركىم كىناسىز دەپ ەسەپتەلەدى.