ەكس پرەزيدەنت نۇرسۇلتان نازاربايەۆتىڭ نەمەرە ءىنىسى قايرات ساتىبالدىنىڭ جازاسىن جەڭىلدەتۋدى سۇراۋعا قۇقىعى بار. بۇل تۋرالى باس پروكۋروردىڭ ورىنباسارى اسەت شىندالييەۆ مالىمدەدى، دەپ حابارلايدى almaty-akshamy.kz
«تەوريالىق تۇرعىدان زاڭ شارتتى تۇردە مەرزىمىنەن بۇرىن بوستاندىققا شىعارۋ، جازاسىن جەڭىلدەتۋ سياقتى شارالاردى قولدانۋ مۇمكىندىگىن قاراستىرادى. زاڭدا بەلگىلى ءبىر تالاپتار بار. ول ءۇشىن (جازانىڭ) قانداي دا ءبىر مەرزىمى وتەلۋى قاجەت نەمەسە ىس-ارەكەتتەن كەلگەن زالالدى وتەۋى كەرەك. سودان كەيىن ونىڭ مىنەزدەمەسى، باس بوستاندىعىنان ايىرۋ ورنى بەرگەن مىنەز-قۇلقىنا بەرگەن سيپاتتاماسى جانە تاعى باسقا وسىعان ۇقساس جاعدايلار ەسكەرىلەدى. شارتتى تۇردە مەرزىمىنەن بۇرىن بوساتۋ نەمەسە جازانى اۋىستىرۋدى تالاپ ەتۋ – بۇل سوتتالعان ادامنىڭ قۇقى. سوت بۇدان باس تارتۋعا نەمەسە تالاپتى قاناعاتتاندىرۋعا قۇقىلى. سوتتالعان ادامنىڭ سوتقا جۇگىنۋگە قۇقى بار. الايدا سوت ونى (تۇزەتۋ مەكەمەسىنەن) شىعارۋعا مىندەتتى ەمەس. ءتىپتى، (سوتتالعان ادامنىڭ) جازاسىن وتەۋ مەرزىمى جاقىنداسا دا، ول ءتۇزۋ جولعا تۇسپەسە، سوت بۇل تالاپتى ورىنداۋدان باس تارتۋى مۇمكىن»، - دەدى باس پروكۋروردىڭ ورىنباسارى.
ەسكە سالساق 2022 جىلدىڭ 26 قىركۇيەگىندە استانا قالاسى بايقوڭىر اۋدانىنىڭ №2 سوتى قايرات ساتىبالدىۇلىن 6 جىلعا باس بوستاندىعىنان ايىرعان بولاتىن.