ۆيرۋسولوگ ۆاكسينالار اراسىنداعى ۋاقىت ارالىعىن ساقتاۋعا كەڭەس بەرەدى
«سپۋتنيك V» نەمەسە «سپۋتنيك لايت» العاننان كەيىن شەتەلدىك ۆاكسينانى تەك 3-4 ايدان كەيىن عانا الۋعا بولادى. ۆاكسينانى تىم ءجيى الۋ ەر ادامداردا ميوكارديتتىڭ دامۋ ءقاۋپىن ارتتىرۋى مۇمكىن ەكەنىن ران اكادەميگى، ۆيرۋسولوگ ۆيتاليي زۆەريەۆ ايتتى. بۇل تۋرالى ول «يزۆەستيا» باسىلىمىنا بەرگەن سۇحباتىندا ايتقان، دەپ حابارلايدى Almaty-akshamy.kz
«مۇنداي جاعىمسىز سالدار عالىمدار ۇستانۋعا كەڭەس بەرگەن ارالىق ساقتالماعان كەزدە بولۋى مۇمكىن ەكەنىن نازارعا الۋ كەرەك. ءبىزدىڭ ۆاكسينالار ءۇشىن، ونىڭ ىشىندە «سپۋتنيك» ءۇشىن، بۇل مەرزىم – جارتى جىل. جالپى، ءقاۋىپسىز ريەۆاكسيناسيانى 3-4 ايدان كەيىن الۋعا بولادى، ءبىراق ودان ەرتە العان دۇرىس ەمەس»، - دەپ اتاپ ءوتتى ول.
ول شەتەلدىك مامانداردىڭ زەرتتەۋلەرىن مىسالعا كەلتىردى. ولار «شەتەلدىك اپپاراتتارمەن ءجيى ۆاكسينالانۋدىڭ ءقاۋىپتى ەكەنىن ەسكەرتەدى، سەبەبى ونىڭ سالدارىنان ميوكارديت پايدا بولۋى مۇمكىن»، - دەپ كەلتىرىلگەن يزرايل ستاتيستيكاسىنىڭ مىسالىندا.
ءيزرايلدىڭ دەنساۋلىق ساقتاۋ مينيسترلىگىندە ۆاكسينانىڭ ءۇشىنشى دوزاسىن العاننان كەيىن ميوكارديتتىڭ پايدا بولۋ ءقاۋپىنىڭ جوعارى ەكەنىن ناقتىلادى. سونىمەن بىرگە ەلدىڭ دارىگەرلەرى ءتورت ايدان كەم بولمايتىنداي مەرزىمنەن كەيىن بۋستەر جاساۋعا شاقىرادى. مۇنداي كەڭەستى ددسۇ دا ۇسىنعان بولاتىن.