قوردىڭ اكتيۆتەرى 55،3 ملرد دوللارعا دەيىن تومەندەدى.
ق ر ۇلتتىق بانك ءتوراعاسى عالىمجان ءپىرماتوۆتىڭ ايتۋىنشا، 2021 جىلى ۇلتتىق قوردىڭ كىرىسى 4،2 پايىزدى قۇرادى، دەپ حابارلايدى Almaty-akshamy.kz
«2021 جىلى 2،7 ترلن تەڭگە ءتۇسىم جانە 4،5 ترلن تەڭگە ترانسفەرتتەردىڭ بولىنۋىنە بايلانىستى ۇلتتىق قوردىڭ اكتيۆتەرى 55،3 ملرد دوللارعا دەيىن تومەندەدى. نارىقتاردىڭ قۇبىلمالىلىعىنا قاراماستان، ۇلتتىق قور كىرىستىلىگى 4،2 پايىز نەمەسە 2،3 ملرد دوللار كولەمىندە قامتاماسىز ەتىلدى. 2022 جىلى اكتيۆتەردىڭ تەڭگەرىمدى اللوكاسياعا ءوتۋى اياقتالادى جانە اكسيالار نارىعىنىڭ تومەندەۋ اسەرىن بارىنشا ازايتۋ ءۇشىن قورعاۋ جانە بالانسقا كەلتىرۋ ستراتەگيالارى ەنگىزىلەدى»، - دەدى عالىمجان ءپىرماتوۆ.
ونىڭ ايتۋىنشا، 2021 جىلى مەملەكەتتىك بورىشتى، ۆاليۋتالىق ينتەرۆەنسيالاردى جانە ۇكىمەتتىڭ شوتتارى بويىنشا باسقا دا وپەراسيالاردى تولەۋ ءۇشىن ەركىن كونۆەرتاسيالاناتىن ۆاليۋتاداعى اكتيۆتەردىڭ قىسقارۋىنا بايلانىستى التىن-ۆاليۋتا رەزەرۆتەرى 34،4 ملرد دوللارعا دەيىن 1،3 ملرد دوللارعا تومەندەدى.
«2021 جىلدىڭ قورىتىندىسى بويىنشا، جالپى حالىقارالىق رەزەرۆتەر 89،7 ملرد دوللاردى قۇرادى»، - دەدى ۇب ءتوراعاسى.