قوزعالىس قارقىندىلىعى جوعارى رەسپۋبليكالىق كۇرە جولداردا جاڭا جەرۇستى جاياۋ جۇرگىنشىلەر وتكەلدەرى سالىندى، دەپ حابارلايدى اlmaty-akshamy.kz BAQ.KZ-كە سىلتەمە جاساپ.
ماسەلەن، الماتى وبلىسىندا ورنالاسقان قوزعالىس قارقىندىلىعى جوعارى «الماتى-بىشكەك» جانە «الماتى-شەلەك-قورعاس» كۇرە جولدارىندا بەس جاڭا جەرۇستى جاياۋ جۇرگىنشىلەر وتكەلى سالىنىپ، قولدانىسقا بەرىلدى.
جولدى ءقاۋىپسىز وتۋگە مۇمكىندىك بەرەتىن جەرۇستى جاياۋ جۇرگىنشىلەر وتكەلدەرى «الماتى-بىشكەك» تاسجولىنىڭ 23، 24، 28، 45-شاقىرىمدارىندا جانە «الماتى-شەلەك-قورعاس» كۇرە جولىنىڭ 33-شاقىرىمىندا پايدا بولدى. جاڭا جەر ءۇستى جاياۋ جۇرگىنشىلەر وتكەلدەرىنىڭ قاسىندا قۇمتوعان، المابالىق، قاسىمبەك، بايتەرەك ەلدى مەكەندەرى جانە كەرۋەن اۆتوستانسياسى ورنالاسقان، - دەلىنگەن كومپانيا تاراتقان اقپاراتتا.
قۇرىلىس بارىسىندا ەرەكشە قاجەتتىلىگى بار جاندارعا قولايلى جاعداي جاساۋعا باسا كوڭىل ءبولىندى. جاڭا جاساندى قوندىرعىلاردا پاندۋستار جانە ارنايى پلاتفورمالار بار. ال جاياۋ جۇرگىنشىلەردىڭ ىڭعايى ءۇشىن باسپالداقتاردىڭ ۇستىندە ارنايى شاتىرلار قاراستىرىلدى. سونىمەن قاتار تۇنگى ۋاقىتتا پايدالانۋشىلاردىڭ قاۋىپسىزدىگىن قامتاماسىز ەتۋ ءۇشىن زاماناۋي جارىقديودتى شامدار ورناتىلدى.
جاڭا تيپتەگى جەرۇستى جاياۋ جۇرگىنشىلەر وتكەلدەرىنىڭ قىزمەت ەتۋ مەرزىمى كەمىندە 15 جىل.