ەلىمىزدە سوڭعى ءتورت اپتادا (1-28 ناۋرىز) الەۋمەتتىك ماڭىزى بار جەتى ازىق-تۇلىك ءتۇرىنىڭ باعاسى تومەندەدى، دەپ حابارلايدى اlmaty-akshamy.kz BAQ.KZ-كە سىلتەمە جاساپ.
ال، ناۋرىز ايىنىڭ سوڭعى اپتاسىندا، 20-28 ناۋرىز كۇندەرى، كارتوپ 0،7%-عا، پياز 0،3%-عا، اق قىرىققابات 0،1%-عا، قاراقۇمىق جارماسى 1،3%-عا، كۇنباعىس مايى 1،1%-عا جانە تۇيىرشىكتەلگەن قانت 0،8%-عا ارزانداعان.
دەگەنمەن، ءبىرىنشى سۇرىپتى بيداي ۇنى جانە ودان جاسالعان نان، تاۋىق ەتى، مايلىلىعى 2،5% پاستەرلەنگەن ءسۇت سياقتى الەۋمەتتىك ماڭىزى بار ونىمدەردىڭ قۇنى وزگەرىسسىز قالدى.
وتكەن جىلى بۇل كورسەتكىش مۇلدەم باسقا بولعان. بيىل ءبىرشاما ارزانداعانىن بايقاۋعا بولادى. بىلتىرعى جىلدىڭ ازىق-تۇلىك باعاسىن ەسكە تۇسىرەيىك. ماسەلەن، ايدىڭ سوڭعى اپتاسىندا، 24-29 ناۋرىز كۇندەرى، كارتوپ بىردەن 2،6%-عا، ال اي باسىنان بەرى 15%-عا، ءسابىز 3،9%-عا قىمبات بولعان. ناۋرىزدىڭ سوڭعى اپتاسىندا قانت 1%-عا، ال اي باسىنان بەرى 35%-عا قىمباتتاعان ەدى. وسىلايشا، بيىلعى ناۋرىز ايىنداعى باعا وتكەن جىلمەن سالىستىرعاندا وڭ ناتيجەسىن بەرىپ وتىر.
ەستەرىڭىزگە سالا كەتەيىك، ساۋدا جانە ينتەگراسيا ءمينيسترى سەرىك جۇمانعارين اقپان ايىندا كوكونىستەرگە تاۋارلىق ينتەرۆەنسيالار باعاسىن تۇراقتاندىرۋعا باعىتتالعان باسقا دا شارالار باستالعانىن، بۇعان دەيىن قانت ونەركاسىبىنە قولداۋ كورسەتەتىنىن مالىمدەگەن بولاتىن.
وڭىرلەردە دە ازىق-تۇلىكتىڭ ارزانداعانىن بايقاۋعا بولادى. اتاپ ايتقاندا، ءبىر اپتادان بەرى كارتوپ ءونىمى اقتاۋ، اقتوبە، اتىراۋ، جەزقازعان، كوكشەتاۋ، قاراعاندى، قونايەۆ، قوستاناي جانە قىزىلوردا قالالارىندا ارزانداعان. ال، پياز بەن قىرىققاباتتىڭ باعاسى باعاسى استانا، جەزقازعان، قوستاناي، قىزىلوردا، ورال جانە تۇركىستاندا قالالارىندا تومەندەدى.
ايتا كەتەتىن جايت، پرەمەر-مينيستر ءاليحان سمايىلوۆتىڭ ناۋرىز ايىندا قازاقستاندا ينفلياسيا تومەندەي باستايدى دەگەن بولجامى شىندىققا اينالدى.