وڭتۇستىك كورەيادا ورمان ورتەنىپ جاتىر. لاپىلداعان وت ەل استاناسى سەۋلدەن 160 شاقىرىم قاشىقتىقتا باستالعان، دەپ حابارلايدى اlmaty-akshamy.kz «حابار24»-كە سىلتەمە جاساپ.
ءقاۋىپ تونگەن اۋدانداردان ادامدار جاپپاي كوشىرىلىپ جاتىر. ءتىلسىز جاۋدى اۋىزدىقتاۋعا جۇزدەگەن ءورت ءسوندىرۋشى جۇمىلدىرىلىپ، ارنايى تەحنيكا تارتىلدى. ءورتتى سوندىرۋگە ەكپىندى جەل مەن قۇرعاقشىلىق كەدەرگى كەلتىرۋدە. ازىرگە زارداپ شەككەندەر تۋرالى اقپارات تۇسكەن جوق.
جۇڭگو شەكاراسىندا دا الاپات ءورت تىركەلدى. ءتىلسىز جاۋ ەلدىڭ سولتۇستىگىندە ىشكى موڭعوليا اۆتونومدى اۋدانىن شارپىعان. قىتايدىڭ توتەنشە جاعدايلار قىزمەتى ءورت وشاعىن سوندىرۋگە بار كۇشىن سالىپ، ونداعان قۇتقارۋشى جۇمىلدىرىلعان. ماماندار اپاتقا وڭىردەگى قۋاڭشىلىق سەبەپ بولۋى مۇمكىن دەپ وتىر.
ايتا كەتەيىك، وسى دەمالىستا ءتىلسىز جاۋ سۋحە-باتور پروۆينسياسىندا دا بولعان ەدى. ەندى لاپىلداعان وت باسقا اۋداندارعا تاراپ جاتىر. شىعىن كولەمى مەن زارداپ شەككەندەر جايلى مالىمەتتەر انىقتالۋدا.