رەسپۋبليكالىق ماڭىزى بار جولداردىڭ احۋالىن ونلاين كورۋگە بولادى

ەندى قولدانۋشىلار Kaztoll.kz سايتى ارقىلى ناقتى ۋاقىت رەجيمىندە جولداردىڭ جاعدايىن باقىلاي الادى، دەپ حابارلايدى اlmaty-akshamy.kz. 

"بۇگىنگى تاڭدا 17 اقىلى جولدا 74 بەينەكامەرا ورناتىلدى، ولار كولىك قوزعالىسىنىڭ ترافيگى، اۋا رايى جانە جولدىڭ جالپى جاعدايى تۋرالى اقپاراتتى بەرەدى. بۇل جۇرگىزۋشىلەر ءۇشىن الدىن الا ساپاردى جوسپارلاۋعا، وڭتايلى باعىتتاردى انىقتاۋعا جانە جولداعى قولايسىزدىقتاردى الدىن الۋعا مۇمكىندىك جاسايدى. 

بۇل جاڭا سەرۆيس ساپار كەزىندە ۋاقىتتى ۇنەمدەۋگە جانە قولايلى جاعدايدى قامتاماسىز ەتۋ ءۇشىن تاپتىرماس قۇرال بولماق. اقىلى جولداردىڭ ونلاين كورسەتىلىمىنىڭ ارقاسىندا جۇرگىزۋشىلەر كەپتەلىستەردى الدىن الىپ، ۋاقىتتارىن ۇنەمدەپ، ساپارلارىن ىڭعايلى ءارى ءقاۋىپسىز ەتىپ جوسپارلاي الادى"، - دەپ جازدى ۆەدومستۆودان.

جولدارداعى ونلاين كورسەتىلىم تەك كولىك جۇرگىزۋشىلەرگە قولايلى جاعدايدى جاساپ قانا قويماي، سونىمەن قاتار جول قاۋىپسىزدىگىن ارتتىرۋعا باعىتتالماق. جولداردىڭ جاعدايى تۋرالى اقپارات جول-كولىك وقيعالارىنىڭ سانىن ازايتۋعا، بارلىق جول قوزعالىسىنا قاتىسۋشىلار ءۇشىن ساپارلارىن ءقاۋىپسىز ءارى بولجامدى ەتۋگە كومەكتەسەدى. 

وسىلايشا، «قازاۆتوجول» ۇسىنعان اقىلى جولدارداعى ونلاين كورسەتىلىم كولىك جۇرگىزۋشىلەرى ءۇشىن جاڭا مۇمكىندىكتەردى اشىپ، جول ينفراقۇرىلىمىنىڭ ساپاسىن ارتتىرۋعا سەپتىگىن تيگىزەدى.