رەسپۋبليكالىق ماڭىزى بار جولدار بارلىق باعىت بويىنشا اشىق، دەپ حابارلادى «قازاۆتوجول» ۇك» اق باسپا ءسوز قىزمەتى.
وتكەن تۇندە ماماندار تاسجولدارعا 500 م3 قۇم-تۇز قوسپاسىن سەۋىپ شىققان.
ەسكە سالا كەتسەك، اۋا-رايىنىڭ ناشارلاۋىنا بايلانىستى (بوران، قار، جول بويىنداعى كورىنۋدىڭ شەكتەلۋى) ەلىمىزدىڭ 3 وڭىرىندە (سقو، قوستاناي جانە اقمولا وبلىستارى) 27 جول ۋچاسكەسى جابىلعان بولاتىن. ءقازىر تاسجولداردى قاردان تازالاپ، قۇم-تۇز سەبۋ ءۇشىن 220 ارنايى تەحنيكا مەن 300 مامان جۇمىلدىرىلدى.
قوستاناي وبلىسىندا جول ماماندارى 30 جۇك كولىگىنىڭ جانە 4 جەڭىل كولىك جۇرگىزۋشىسىنە كومەك كورسەتتى. ال سقو اۋماعىندا ماماندار ارنايى تەحنيكانىڭ كومەگىمەن قار قۇرساۋىنان 3 كولىكتى شىعاردى.