Pfizer، Çalık Holding، Alarko Holding جانە باسقا دا شەتەلدىك كومپانيالار قازاقستاندا جالپى قۇنى $1،6 ملرد بولاتىن جوبالار بويىنشا جاڭا كەلىسىمشارتتارعا قول قويدى
VI جاھاندىق ينۆەستيسيالار جونىندەگى قازاقستاندىق دوڭگەلەك ۇستەل (KGIR) اياسىندا ق ر پرەمەر-مينيسترى ءاليحان سمايىلوۆتىڭ قاتىسۋىمەن ۇزدىك شەتەلدىك ينۆەستورلاردى ماراپاتتاۋ جانە قازاقستاندا جاڭا جوبالاردى ىسكە اسىرۋ بويىنشا كەلىسىمشارتتارعا قول قويۋ راسىمدەرى ءوتتى، دەپ حابارلايىد almaty-akshamy.kz
بيىل ۇزدىك ينۆەستورلار دەنساۋلىق ساقتاۋ، ءبىلىم بەرۋ، ەنەرگەتيكا، اۋىل شارۋاشىلىعى جانە ت.ب. سياقتى ەكونوميكا سالالارىندا 10 نوميناسيا بويىنشا ماراپاتتالدى.
ونىڭ ىشىندە، Knauf Group (ۇزاقمەرزىمدى ارىپتەستىك)، Wabtec Corporation (ينۆەستيسيالىق بەلسەندىلىك)، Eni S.p.A. (تۇراقتى دامۋ)، Honeywell (يننوۆاسيالىق ءوندىرىس)، Coca Cola Içecek Kazakhstan (الەۋمەتتىك جاۋاپكەرشىلىك) كومپانيالارى اتاپ ءوتىلدى.
بۇدان باسقا، سالالىق ماراپاتتار «Aitas KZ» اق وكىلدەرىنە – اوك الەۋەتىن دامىتۋعا قوسقان ۇلەسى ءۇشىن، «Ordamed» اق – دەنساۋلىق ساقتاۋدى دامىتۋعا قوسقان ۇلەسى ءۇشىن،«نوبەل افف» اق – فارماسيەۆتيكا سالاسىن دامىتۋعا قوسقان ۇلەسى ءۇشىن، Alarko Holding – ينفراقۇرىلىمدىق دامۋعا قوسقان ۇلەسى ءۇشىن جانە «Alageum Electric» اق-عا ادامي كاپيتالدىڭ دامۋىنا قوسقان ۇلەسى ءۇشىن تابىستالدى.
KGIR-2023 الاڭدارىندا پرەمەر-مينيستردىڭ قاتىسۋىمەن اوك، تمك، دەنساۋلىق ساقتاۋ، جەڭىل ونەركاسىپ، ماشينا جاساۋ، ءبىلىم بەرۋ، قۇرىلىس قوسپالارى مەن حيميالىق ونىمدەر ءوندىرىسى سياقتى ەكونوميكا سالالارىندا $1،6 ملرد سوماسىنا 26 مەموراندۋم مەن كوممەرسيالىق قۇجاتتارعا قول قويىلدى.
وسىلايشا، Pfizer كومپانياسى قازاقستاندا Prevenar 20 يننوۆاسيالىق پنيەۆموكوكك ينفەكسياسىنا قارسى ەكپە ءوندىرىسىن جولعا قويادى. Çalık Holding كومپانياسى قوستاناي وبلىسىندا بۇرشاق داقىلدارىن قايتا وڭدەۋ زاۋىتىن سالادى. Alarko Holding بيزنەس-كونگلومەراتى شىمكەنت اكىمدىگىمەن جىلىجاي سالۋ تۋرالى كەلىسىم بەكىتتى. Lasselsberger group قۇرىلىس جەلىمى مەن قۇرعاق قوسپالار ءوندىرىسى كەشەنىن سالادى. Roche ءتۇپنۇسقا بيوتەحنولوگيالىق دارى-دارمەكتەردى لوكاليزاسيالاۋدى جوسپارلاپ وتىر. Işıklar Packaging كرافت-قاعازىن ءوندىرۋ زاۋىتىن سالادى. Alstom قر-دا ۆاگون جوندەۋ دەپوسى مەن ەلەكتروۆوزدارعا قىزمەت كورسەتۋ بويىنشا باس سەرۆيستىك ورتالىق اشادى.
Pfizer، Çalık Holding، Alarko Holding جانە باسقا دا شەتەلدىك كومپانيالار قازاقستاندا جالپى قۇنى $1،6 ملرد بولاتىن جوبالار بويىنشا جاڭا كەلىسىمشارتتارعا قول قويدى
انىقتاما: KGIR (Kazakhstan Global Investment Roundtable) فورۋمىنا جىل سايىن الەمنىڭ تۇكپىر-تۇكپىرىنەن ءىرى ونەركاسىپ كاسىپورىندارىنىڭ باسشىلارى، قارجى سەكتورىنىڭ وكىلدەرى، ساياساتكەرلەر مەن ساراپشىلار جينالادى. بيىلعى ءىس-شاراعا ۇلىبريتانيا، ۆەتنام، گەرمانيا، كانادا، قاتار، جۇڭگو، ءباا، ساۋد ارابياسى، اقش، تۇركيا، فرانسيا، چەحيا جانە باسقا دا ءبىرقاتار ەل وكىلدەرى كەلدى.