رەسپۋبليكالىق جولداردا قىس مەزگىلى الدىنداعى كۇتىپ-ۇستاۋ جۇمىستارى باستالدى

جول قىزمەتتەرى تاۋلىك بويى جۇمىس ىستەۋدە.

رەسپۋبليكالىق ماڭىزى بار اۆتوجولداردىڭ ۇلتتىق وپەراتورى قىس مەزگىلىندە كۇرە جولداردى قاردان تازالاپ، كۇتىپ-ۇستاۋ جۇمىستارى ءۇشىن قاجەت ارنايى تەحنيكانى، 400 وندىرىستىك بازا مەن قويمانى، 125 جىلىتۋ پۋنكتىن دايىندادى، دەپ حابارلايدى Almaty-akshamy.kz.

كوكتايعاققا قارسى ماتەريالداردى دايىنداۋ جۇمىستارى جالعاسۋدا، اتاپ ايتقاندا —120 مىڭ شارشى مەتر قۇم، 23 مىڭ توننا تۇز، 1200 توننا حيمرەاگەنت قوسپالارى دايىندالۋدا. سونىمەن قاتار قالىڭ قار باسۋ ءقاۋپى جوعارى ۋچاسكەلەر انىقتالدى. ولاردىڭ جالپى ۇزىندىعى 3 مىڭ شاقىرىمدى قۇراپ وتىر. قىسقى كۇتىپ-ۇستاۋ جۇمىستارى اياسىندا بۇل ۋچاسكەلەر ەرەكشە باقىلاۋدا.

رەسپۋبليكالىق ماڭىزى بار جولداردى قولدانۋشىلار قىس مەزگىلىندە الىس ساپارعا اتتاناردا كولىكتى ابدەن دايىنداۋى قاجەت. 

كۇن رايىنىڭ بۇزىلۋى مەن اۋا تەمپەراتۋراسىنىڭ تومەندەۋىنە بايلانىستى جازعى اۆتوموبيل شينالارىن قىسقى شينالارعا اۋىستىرۋ ماڭىزدى.

الىس ساپارعا اتتانار الدىندا كولىكتىڭ تەحنيكالىق جاي-كۇيىن جانە جانارماي مولشەرىن تەكسەرۋ كەرەك. 

اۋا رايى كۇرت ناشارلاعاندا، جول قوزعالىسى ەرەجەلەرىن قاتاڭ تۇردە ساقتاعان ابزال. 

كولىكتە قالىڭ كيىم مەن مەديسينالىق العاشقى كومەك قوراپشاسى بولۋى كەرەك. 

اۋا رايى بولجامىن ءجىتى قاداعالاپ، داۋىلدى ەسكەرتۋ تۋرالى حابارلامالاردى تىڭداۋ قاجەت.

شتاتتان تىس جاعداي تۋىنداسا، رەسپۋبليكالىق اۆتوجولداردى پايدالانۋشىلار "قازاۆتوجول" ۇلتتىق كومپانياسىنىڭ ءبىرىڭعاي تاۋلىك بويى جۇمىس ىستەيتىن 1403 كولل-ورتالىعىنا جۇگىنە الادى.