كەزەكتى شەشىم 5 جەلتوقسان كۇنى جاريالانادى.
ۇلتتىق بانكتىڭ باسقارما ءتوراعاسى عالىمجان ءپىرماتوۆ 2023 جىلى دا قارجى رەتتەۋشىسىنىڭ اقشا-كرەديت ساياساتى قاتاڭداۋى مۇمكىن ەكەنىن ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«2023 جىلدان باستاپ ينفلياسيانى جوسپارلى تۇردە تومەندەتۋ ءۇشىن قاجەتتى بازالىق مولشەرلەمە دەڭگەيىنە بارىنشا ناقتى باعالاۋ جۇرگىزىلەدى. بازالىق مولشەرلەمەنىڭ اعىمداعى كوتەرىلۋ مولشەرى جەتكىلىكسىز بولعان جاعدايدا ۇلتتىق بانك اقشا-كرەديت تالاپتارىن ودان ءارى قاتاڭداتۋ مۇمكىندىگىن قاراستىراتىن بولادى. بۇل سەنارييدىڭ ىقتيمالدىعى جوعارى دەپ باعالانۋدا»، - دەدى ول ۇلتتىق بانكتىڭ ارنايى بريفينگىندە.
عالىمجان ءپىرماتوۆ جىل سوڭىنا بولجانىپ وتىرعان ينفلياسيا مەن اقشا-كرەديت تالاپتارىنىڭ باعالاۋلارىن ەسكەرگەندەرىن، بازالىق مولشەرلەمەنىڭ تاعى دا كوتەرىلۋى مۇمكىن ەكەنىن ايتادى.
«بازالىق مولشەرلەمە بويىنشا كەزەكتى شەشىم 2022 جىلعى 5 جەلتوقساندا استانا قالاسىنىڭ ۋاقىتى بويىنشا ساعات 14:00-دە جاريالانادى»، - دەدى ۇلتتىق بانك باسشىسى.