ءىس-شاراعا مەديسينا سالاسىندا ۇزاق جىلدار قىزمەت ەتكەن ارداگەرلەر دە قاتىستى
رەسپۋبليكا مەرەكەسى قارساڭىندا الماتىلىق مەديسينا قىزمەتكەرلەرى ماراپاتتالدى، دەپ حابارلايدى Almaty-akshamy.kz Almaty.tv-گە سىلتەمە جاساپ.
ءىس-شاراعا مەديسينا سالاسىندا ۇزاق جىلدار قىزمەت ەتكەن ارداگەرلەر دە قاتىستى. تاريحي ماڭىزدى كۇندە كاسىبي بىلىكتىلىگىمەن كوزگە تۇسكەن ءبىرقاتار ماماندار كەۋدەلەرىنە مەدال تاقتى. سونداي-اق جاڭادان قاتارعا قوسىلعان جاس ماماندار ەل الدىندا انت قابىلدادى. ولار حالىققا ادال قىزمەت ەتۋگە ۋادە بەردى. ءىس-شارا سوڭى كونسەرتكە ۇلاسىپ، اسەم-انمەن جالعاستى.
«وتە جاقسى مەرەكە دەپ ويلايمىن. قازاقستاننىڭ جاستارىنا پاتريوتيزمگە باۋلۋ ءۇشىن قاجەت. ءوزىڭىز بىلەتىندەي، «حالىقتىڭ ءپاتريوتيزمىن كوتەرۋ كەرەك»، «جاستاردى تاربيەلەۋ كەرەك» دەگەن پىكىر كوپ ايتىلىپ ءجۇر. سوندىقتان ۇلىق مەرەكە اتاپ ءوتۋ دۇرىس بولادى»، – دەدى №37 ەمحانانىڭ رەنتگەنولوگ دارىگەرى اقىلجان احمەتعالييەۆ.