وسى جىلدىڭ 22 قازانىندا الماتى قالاسىندا مەملەكەت باسشىسىنىڭ باستاماسىمەن باستاۋ العان «تابيعاتتا قوقىسقا جول جوق!» جالپىۇلتتىق ەكولوگيالىق اكسياسى اياسىندا كەزەكتى سەنبىلىك وتەدى، دەپ حابارلايدى Almaty-akshamy.kz.
اكسيانىڭ ماقساتى – اۋماقتاردى قوقىستان تازارتۋ بويىنشا ءىس-شارالار كەشەنىن ۇيىمداستىرۋ ءۇشىن قالا تۇرعىندارىن بىرىكتىرۋ. سونىمەن قاتار، ەكولوگيالىق سەنبىلىك تۇتىنۋشىلاردىڭ تابيعاتقا دەگەن كوزقاراسىنا قارسى شىققانداردىڭ بارلىعىن بىرىكتىرۋگە، قورشاعان ورتانى قورعاۋ جانە ەكولوگيالىق ءتۋريزمدى دامىتۋ ماسەلەلەرىنە نازار اۋدارۋعا ارنالعان.
سەنبىلىك وتكىزۋ ورىندارىنىڭ ءتىزىمى:
-الاتاۋ اۋدانىنىڭ اقبۇلاق شاعىن اۋدانى؛
-المالى اۋدانىنىڭ سايران كولىنىڭ شىعىس جاعالاۋى؛
-اۋەزوۆ اۋدانىنىڭ ۇلكەن الماتى وزەنىنىڭ باتىس جاعالاۋى (تولە بي كوشەسى مەن رايىمبەك داڭعىلى اراسى)؛
-بوستاندىق اۋدانىنىڭ نۇر الاتاۋ شاعىن اۋدانى (الما-3،15 ا)؛
-جەتىسۋ اۋدانىنىڭ سولتۇستىك اينالىم كوشەسىنەن سالەم بازارىنا (جۇمابايەۆ كوشەسىنە) دەيىن؛
-مەدەۋ اۋدانىنىڭ قىز جىبەك كوشەسى (شۋحوۆ اتىنداعى سكۆەر)؛
-ناۋرىزباي اۋدانىنىڭ اباي ساياجايى شاعىن اۋدانى؛
-تۇركسىب اۋدانىنىڭ اسپان ساياباعى، جەلتوقسان ساياباعى.
الماتى قالاسى بويىنشا ەكولوگيا دەپارتامەنتى بارلىق قالا تۇرعىندارىن سەنبىلىككە قاتىسۋعا شاقىرادى.