الماتى قالاسىنىڭ «Shugyla City» تۇرعىن كەشەنىندە رەسپۋبليكا كۇنىنە وراي زاماناۋي سەرۋەن جانە دەمالىس كەڭىستىگى اشىلدى، - دەپ حابارلايدى Aqshamnews.kz.
جاڭا ايماقتىڭ ۇزىندىعى 370 مەتر. مۇندا جۇرگىنشىلەرگە ارنالعان اللەيا، بالالار جانە باسكەتبول الاڭدارى، ۆوركاۋت ايماعى مەن شاعىن امفيتەاتر ورناتىلعان. سونىمەن قاتار زاماناۋي جارىق شامدارى، ورىندىقتار، قوقىس جاشىكتەرى جانە شاعىن ساۋلەت ەلەمەنتتەرى قويىلىپ، اۆتوماتتى سۋارۋ جۇيەسى ەنگىزىلىپ، اباتتاندىرۋ جۇمىسى جۇرگىزىلدى.
بۇل كەڭىستىك اۋدان تۇرعىندارىنىڭ قاجەتتىلىكتەرىن ەسكەرە وتىرىپ جوبالانعان. ماقسات — بەلسەندى دەمالىسقا، سپورتپەن شۇعىلدانۋعا جانە تازا اۋادا ۋاقىت وتكىزۋگە قولايلى جاعداي جاساۋ. جوبا ناۋرىزباي اۋدانىنداعى جايلى ۋربانيستىك ورتانى دامىتۋعا جانە اباتتاندىرىلعان قوعامدىق كەڭىستىك سانىن ارتتىرۋعا باعىتتالعان.