رەسپۋبليكا كۇنى قارساڭىندا استانالىق جاستار «مەنىڭ قازاقستانىم!» اتتى اكسيانى باستادى.
جاستار ۇيلەردىڭ بالكوندارىنا كوك تۋدى ءىلىپ قويدى. استانا كوشەلەرىندە مىڭعا جۋىق كوك بايراق جەلبىرەپ تۇر، - دەپ حابارلايدى Aqshamnews.kz.
ەلوردا اكىمدىگىنىڭ مالىمەتىنشە، پاتريوتتىق اكسيا جىل سايىن وتكىزىلەدى. بۇل اكسيا ەلوردا كوشەلەرىندەگى جۇرگەن استانالىقتار مەن قالا قوناقتارىنا جۇرەك تەبىرەنتەر اسەر سىيلادى. استانالىقتار اكسياعا قوسىلىپ جاتىر.
«جىل سايىن وتباسىمىزبەن وسى چەللەندجگە قاتىسامىز، بالكونعا تۋ ءىلىپ قويامىز. بۇل قاراپايىم ارەكەت، ءبىراق سيمۆولدىق ءمانى بار. قالاداعى ءىلىنىپ تۇرعان تۋلاردى كورگەندە، ەلىڭ ءۇشىن ماقتانىش سەزىمى كەرنەيدى»، - دەدى سارىارقا اۋدانىنىڭ تۇرعىنى.
ەسكە سالا كەتەيىك، مەملەكەتتىك رامىزدەرىن ورنالاستىرۋ تۋرالى ەرەجەگە سايكەس، ازاماتتار ءوز ۇيلەرىنىڭ عيماراتتارى مەن بالكوندارىندا پاتريوتتىق سەزىمدەردى ءبىلدىرۋ جانە ۇلتتىق جەتىستىكتەردى قولداۋ ماقساتىندا مەملەكەتتىك تۋدى پايدالانۋعا قۇقىلى.
مەملەكەتتىك رامىزدەردى پايدالانۋدىڭ بەلگىلەنگەن ستاندارتتارىن ساقتاۋ قاجەت.