دەپۋتات رينات زايىت ساۋدا ءمينيسترى ارمان شاققالييەۆتەن دەلدالدارمەن كۇرەس تۋرالى سۇرادى، - دەپ حابارلايدى aqshamnews.kz ءتىلشىسى.
دەپۋتاتتىڭ ايتۋىنشا، نارىقتاعى باعانى "ءبىر كوكە" قويىپ وتىر.
"ءوز سيتاتاڭىزدان باستايىن. "باعا مەن سۇرىپتالۋدى باقىلاۋ نارىقتاعى تۇراقتىلىقتى قامتاماسىز ەتىپ، ازاماتتاردىڭ قاجەتتىلىكتەرىن وتەۋگە مۇمكىن بەرەدى". وتە دۇرىس. اتام قازاق ەت قىمباتتادى دەگەندە "بالانىڭ قىزىعىن تاپقان كورسىن، مالدىڭ قىزىعىن باققان كورسىن" دەگەن. وسى اۋىل شارۋاشىلىعىنداعى مالشىلار راحاتتانىپ قالدى دەپ ويلادىق. بارساق، اۋىلداعى ەت باعاسى قىمباتتاماعان. سول باياعى جارتاس، ءبىر جارتاس. تاپسىرما وررنىدالىپ جاتقان جوق. دەلدالدار جۇگىرىپ ءجۇر. بازارداعى 5-6 مىڭ ەت، اۋىلدا ارى كەتسە 3 مىڭ تەڭگە. بازارعا اپارىپ ساتايىن دەسە، "ءبىر كوكە" وتىرىپ العان. تاڭعى 4-تە اپارىپ ۇلگەرسەڭ وتكىزدىڭ، ۇلگەرمەسەڭ ءبىتتى. باعانى قوياتىن سول. جارمەڭكەگە اكەلەيىن دەسە، وتكەندەگى جارمەڭكەدە وزدەرىڭىز كۋا بولدىڭىز. قانشا شارۋا "اكىمدىك ورنىمىزدى ساتىپ جىبەردى" دەپ شاعىمداندى. ەكسپورتقا شىعارايىن دەسە، نە ءجۇنىن، نە تەرىسىن شىعارا المايدى. ەتكە دە ليميت قويىلعان"، - دەدى دەپۋتات.
وسى ورايدا رينايت زايىت دەلدالدارمەن كۇرەسى قالاي جۇزەگە اسادى جانە ەكسپورت ءليميتىن قانشاعا وسىرە الاسىزدار دەگەن سۇراق قويدى.
"جۇمىستى جۇيەلى تۇردە اي سايىن، اپتا سايىن جۇرگىزىپ جاتىرمىز. سەگىز ايدا 10 مىڭنان اسا تالداۋ جاسادىق. نەگىزى مۇنداي دەرەكتەر (دەلدال - ەسك.) بار. ءبىز 700-دەن دەرەككە قاتىستى اكىمشىلىك ءىس قوزعادىق. ساۋدادا دەلدال بولاتىنىن بىلەسىزدەر. ەت 3 مىڭنان باستالادى، ءبىراق وعان باسقا دا شىعىندار قوسىلادى"، - دەپ جاۋاپ بەردى ساۋدا ءمينيسترى ارمان اباي ۇلى.