ۇلتتىق مەرەكەلەر مەن اتاۋلى كۇندەر تىزبەسىندە 25-قازان رەسپۋبليكا كۇنى ۇلتتىق مەرەكە مارتەبەسىنە قايتا يە بولعان كۇن.
رەسپۋبليكا كۇنىنە وراي الماتى قالاسىنىڭ «دوستىق» ۇيىندە مەملەكەتتىك ءتىلدى ەركىن مەڭگەرگەن ەتنوس وكىلدەرى مەن قالاداعى ەتنومادەني بىرلەستىكتەردىڭ جەتەكشىلەرىنىڭ قاتىسۋىمەن «ۇلى دالانىڭ ۇلتارالىق ءتىلى» اتتى دوڭگەلەك ۇستەل وتەدى، دەپ حابارلايدى Almaty-akshamy.kz.
دوڭگەلەك ۇستەلگە قازاقستان حالقى اسسامبلەياسىنىڭ مۇشەلەرى، بەلسەندى ءتىل جاناشىرلارى قاتىسادى. ءىس-شارادا مەملەكەتتىك ءتىلدىڭ قوعامدىق تۇراقتىلىقتى ساقتاۋداعى ماڭىزى، قازاق ءتىلىن ۇلتارالىق قارىم-قاتىناس تىلىنە اينالدىرۋ تۋرالى ءوز پىكىرلەرىن ورتاعا سالادى.
مەملەكەت باسشىسى – قاسىم-جومارت كەمەل ۇلى توقايەۆ حالىققا جولداۋىندا «قازاق ءتىلىنىڭ مەملەكەتتىك ءتىل رەتىندەگى ءرولى كۇشەيىپ، ۇلتارالىق قاتىناس تىلىنە اينالاتىن كەزەڭى كەلەدى» دەگەن بولاتىن.
قازاق ءتىلىنىڭ قولدانىلۋىن دامىتۋ، مەملەكەتتىك ءتىل ساياساتىن ناسيحاتتاۋ بارلىق قازاقستاندىقتارعا ورتاق ءىس.
الماتى قالاسى اكىمدىگىنىڭ ءىس-شارالار جوسپارىنا سايكەس قازاق ءتىلىنىڭ قولدانىلۋىن دامىتۋ، مەملەكەتتىك ءتىل ساياساتىن ناسيحاتتاۋ ماقساتىندا الماتى قالاسىنداعى ەتنو-مادەني بىرلەستىكتەردىڭ قاتىسۋىمەن ءتۇرلى بايقاۋلار مەن ءىس-شارالار وتكىزۋ داستۇرگە اينالعان.
ەلىمىزدە وزگە ۇلت وكىلدەرىنىڭ انا تىلدەرىن ساقتاۋ مەن دامىتۋ ماقساتىندا ەتنومادەني بىرلەستىكتەر جانىندا مەملەكەتتىك ءتىل مەن ءار ەتنوستىڭ ءوز انا ءتىلىن وقىتۋ كۋرستارى ۇيىمداستىرىلعان.
بۇل ءىس-شارانىڭ ماقساتى - تاۋەلسىز قازاقستاننىڭ قول جەتكىزگەن تابىستارىن ناسيحاتتاۋ، قازاقستاندىق رۋحاني بىرلىكتى نىعايتۋ جانە وتانسۇيگىشتىك سەزىمدى تاربيەلەۋ، سونىمەن قاتار ەتنوس وكىلدەرىنىڭ قازاقتىڭ ۇلتتىق مادەنيەتى مەن ونەرىنە، ادەبيەتى مەن تىلىنە دەگەن ىقىلاسىن ارتتىرۋ.
بايلانىس تەلەفوندارى: 8(727)3900172، 3900094.