العاش رەت سيرەن بەيمەزگىل گۇلدەدى.
الماتىدا بوتانيكالىق باقتىڭ «سيرينگاريي» كوللەكسيالىق ۋچاسكەسىندە تاريحتا العاش رەت كۇزدە سيرەن گۇلدەدى، دەپ حابارلايدى Almaty-akshamy.kz.
18 قازاندا بوتانيكالىق باقتىڭ Instagram پاراقشاسىندا تابيعاتتىڭ ەرەكشە قۇبىلىسى تۋرالى ۆيدەو جاريالاندى.
ياعني، باقتىڭ «سيرينگاريي» كوللەكسيالىق ۋچاسكەسىندە العاش رەت سيرەن بەيمەزگىل گۇلدەدى.
«ۋچاسكەنىڭ كۋراتورى ۆيكتور دەگتيەۆ جاقىندا ىسىنگەن بۇرشىكتەردى بايقاعان، الايدا، جايقالىپ گۇل جايادى دەپ كۇتكەن جوق. سيرەننىڭ سورتتى ەمەس، جابايى تۇرلەرى گۇلدەدى. ماماندار كۇزدە سيرەننىڭ گۇلدەۋىن قازان ايىنداعى انومالدى جىلى اۋا رايىمەن بايلانىستىرادى. ال، ءبىز تابيعاتتىڭ ەرەكشە قۇبىلىسىنا كۋا بولعانىمىزعا قۋانىشتىمىز»، - دەلىنەدى ۆيدەو استىنداعى جازبادا.
سونداي-اق، ۆيدەو اۆتورلارىنىڭ مالىمەتىنشە، بوتانيكالىق باقتا سيرەننىڭ قازاقستانداعى ەڭ ءىرى جانە ورتالىق ازياداعى جالعىز كوللەكسياسى بار.
ۋچاسكەنىڭ اۋماعى – 1،8 گا. قازىرگى ۋاقىتتا كوللەكسيادا الەمدىك جانە قازاقستاندىق سەلەكسيانىڭ 23 ءتۇرى مەن 107 سورتى وسىرىلەدى.
«ونىڭ ىشىندە 20-دان استام گيبريد پەن كوشەتتەردى ءبىزدىڭ باقتىڭ عىلىمي قىزمەتكەرلەرى ءوسىردى. كوللەكسيادا بارلىعى 2000-نان استام سيرەن بۇتاسى بار. بيىلعى جىلدىڭ كوكتەمىندە گۇلدەۋ كەزىندە ءبىز «سيرينگاريا» بويىنشا ەكسكليۋزيۆتى سەرۋەندەر وتكىزدىك، وندا كەلۋشىلەر باقتاعى سيرەننىڭ بارلىق تۇرىمەن تانىستى. كەلەسى كوكتەمدە ءبىز بۇل سەرۋەندەردى قايتادان باستاۋدى جوسپارلاپ وتىرمىز، سەبەبى، سيرەننىڭ گۇلدەۋىن كورگىسى كەلەتىندەر وتە كوپ»، - دەلىنەدى حابارلامادا.
پوسموترەت ەتۋ پۋبليكاسيۋ ۆ Instagram