كورمە 2022 جىلدىڭ قاراشا ايىنا دەيىن جالعاسادى.
25 قازان رەسپۋبليكا كۇنىنە ارناپ «عىلىم ورداسى» ارحەولوگيا مۋزەيى جانە سيرەك كەزدەسەتىن كىتاپتار مۋزەيىنىڭ ۇيىمداستىرۋىمەن «وتىرار جانە قۇيرىق-توبە قالاشىقتارىنىڭ قۇپيا قۇندىلىقتارى» اتتى ەكسپوزيسيالىق كورمەنىڭ اشىلۋى ءوتتى، دەپ حابارلايدى Almaty-akshamy.kz
كورمەدە ارحەولوگيا مۋزەيى قورىنداعى وتىرار جانە قۇيرىق-توبە قالاشىقتارىنىڭ جادىگەرلەرى مەن فوتوسۋرەتتەرى، ورتالىق عىلىمي كىتاپحانا مەن سيرەك كەزدەسەتىن كىتاپتار مۋزەيى قورىنداعى قالاشىقتار تاريحىنا قاتىستى كىتاپتار مەن فوتوالبومدار ۇسىنىلعان. اتاپ ايتقاندا، وتىرار القابىنداعى قازبا جۇمىستارى ناتيجەسىندە تابىلعان كەراميكالىق ىدىستار، تەرراكوتالار، شىنى قۇتىلار قالدىقتارى، ارحەولوگيا مۋزەيى قورىنداعى وزگە دە جادىگەرلەردىڭ فوتو-سۋرەتتەرىن تاماشالاۋعا بولادى. بۇدان وزگە وتىرار مەن قۇيرىق-توبە تاريحى مەن ارحەولوگياسىنا ارنالعان اقىشيەۆ ك.، بايپاقوۆ ك.، ەرزاكوۆيچ ل.، جانە وزگە دە عالىمداردىڭ ەڭبەكتەرى مەن فوتوالبومدارىن كورۋگە مۇمكىندىك بار.
وتىرار جانە قۇيرىق-توبە قالاشىقتارى – ورتاعاسىلىق، تاريحى سىر مەن جۇمباققا تولى ەرەكشە قالاشىقتار. «عىلىم ورداسى» رمك الماتى قالاسى قوناقتارى مەن تۇرعىندارىن ەجەلگى قالاشىقتاردىڭ سىرعا تولى تاريحىمەن تانىسۋعا شاقىرادى. كورمە 2022 جىلدىڭ قاراشا ايىنا دەيىن جالعاسادى.