«ادامدى كورىكتى ەتەتىن كيىمى ەمەس، يگى ىستەرى» دەيدى حالىق دانالىعى. مەيىرىمدىلىك قازىرگى قوعامدا التىنمەن ولشەنەدى. وكىنىشكە قاراي، بۇل قاسيەت بارىنە بىردەي بەرىلمەگەن. سوندىقتان دا جاستارىمىزدىڭ اراسىندا اينالاعا نەمقۇرايلى قارامايتىن، جاناشىر جانداردى بايقاپ، اتاپ ءوتۋ ەكى ەسە عانيبەت.
يگى ىستەردىڭ ءبىرى كۇنى كەشە قۇرامىندا «Almaty aqshamy» جانە «ۆەچەرنيي Almaty» گازەتتەرى بار «Alatay اqparat» مەدياحولدينگى عيماراتىنىڭ جانىندا بولدى. ستۋدەنت-جاستار «سىزدەردىڭ قىزمەتكەرلەرىڭىز سومكەلەرىن جوعالتىپ العان جوق پا؟» - دەپ ءبىزدىڭ رەداكسيامىزعا كەلدى.
بەلگىلى بولعانداي، الماتى مەملەكەتتىك كولىك جانە كوممۋنيكاسيا كوللەدجىنىڭ (اگكتك) 1-كۋرس ستۋدەنتتەرى اقجول ءابدىقادىر ۇلى مەن دانيار ساكە كوشەدە كەلە جاتىپ، ءتۇسىپ قالعان قول سومكەگە تاپ بولىپ قالادى. سومكەدە يەسىنىڭ جەكە كۋالىگى، بانك كارتالارى جانە اقشا بار. ءامياننىڭ ىشىندە 100 مىڭ تەڭگە بولعان.
بەينەباقىلاۋ كامەرالارى ارقىلى ماڭايداعى اۋماقتى قاراپ، ءبىز ازىق-تۇلىك دوربالارىن كوتەرگەن ايەلدىڭ قولىنداعى تورىن جاي عانا ءتۇسىرىپ العانىن بىلدىك.
ءبىر قىزىعى، تابىلعان زاتتاردى بىزگە اكەلگەن جىگىتتەر: «سومكەنى مىندەتتى تۇردە ءۇي يەسىنە قايتاراسىز با؟» – دەپ سۇرادى. ءبىز ولارعا تابىلعان زاتتى امان-ەسەن جەتكىزۋگە كومەكتەسەمىز دەپ ۋادە بەرىپ قانا قويماي، ولار تۋرالى فوتوسۋرەتپەن جازبا جاريالاۋدى ءجون كوردىك.
قازاقتىڭ وسىناۋ جاپ-جاس، جاسى كىشى بولسا دا، قايماعى بۇزىلماعان تەكتىلىگى بار بالالارى قۇرمەت پەن سۇيىسپەنشىلىككە لايىق. بولاشاق تەمىرجولشىلار جۋىردا عانا العاش رەت اي سايىنعى 21 مىڭ تەڭگە كولەمىندەگى جاردەماقىلارىن العاندارىن ايتىپ، بارلىعى اتا-اناسىن، اعا-اپكەلەرىن قۋانتۋعا اسىقتى.
«ءبىز باستاپقىدا پرانك دەپ ويلادىق. سومكەنى ادەيى جەرگە قويىپ، ءبىزدى سىناماق بولدى دەپ ويلادىق»، – دەيدى كوللەدج ستۋدەنتتەرى.
ر.S. 1958 جىلى دۇنيەگە كەلگەن ارداق بولات قىزى بەكتەمىروۆا جوعالعان زاتتارىن «Alatay اqparat» مەديحولدينگىنەن الىپ كەتە الادى.
سايدا احمەدوۆا