جولداردا قار تازالاۋ جۇمىستارى جۇرگىزىلىپ جاتىر.
بۇل جۇمىستارعا 500 تەحنيكا جۇمىلدىرىلدى، دەپ حابارلايدى Almaty-akshamy.kz قازاۆتوجول-عا سىلتەمە جاساپ.
اۋا رايى ناشارلاعان ساتتەن باستاپ (3 قاڭتاردان) 2200 تەكشە مەتر كوكتايعاققا قارسى ماتەريالدار جۇمسالدى.
«ساعات 8:45-تەگى اقپاراتقا سايكەس، اۋا رايىنىڭ قولايسىزدىعىنا بايلانىستى رەسپۋبليكالىق اۆتوجولداردىڭ 32 ۋچاسكەسى جابىق كۇيىندە قالىپ وتىر»، - دەلىنگەن حابارلامادا.
اقمولا، جەتىسۋ، شىعىس قازاقستان، اباي، قاراعاندى، قوستاناي جانە پاۆلودار وبلىستارىنداعى تراسسالار جابىلعان.
اۋا رايىنىڭ قولايسىزدىعىنا بايلانىستى قاراعاندى، شقو جانە اباي وبلىستارىنىڭ رەسپۋبليكالىق ماڭىزى بار اۆتوموبيل جولدارىندا اسا كۇردەلى جاعداي قالىپتاستى.
وتكەن تاۋلىكتە بۇل وڭىرلەردە قار قۇرساۋىنان 200-گە جۋىق كولىك شىعارىلىپ، 346 ادام قۇتقارىلدى.