بيىل قانداستارعا قانشا كۆوتا ءبولىندى؟
ەڭبەك جانە حالىقتى الەۋمەتتىك قورعاۋ ءمينيسترىنىڭ 2022 جىلعى 30 جەلتوقسانداعى بۇيرىعىمەن قانداستار مەن قونىس اۋدارۋشىلاردى قابىلداۋدىڭ 2023 جىلعا ارنالعان وڭىرلىك كۆوتاسى بەلگىلەندى، دەپ حابارلايدى Almaty-akshamy.kz.
اتاپ ايتقاندا:
- قانداستاردى قابىلداۋدىڭ 2023 جىلعا ارنالعان وڭىرلىك كۆوتاسى - 1925 ادامدى؛
- قونىس اۋدارۋشىلاردى قابىلداۋدىڭ 2023 جىلعا ارنالعان وڭىرلىك كۆوتاسى - 6727 ادامدى قۇرادى.
ايتا كەتسەك، بيىل قانداستار مەن قونىس اۋدارۋشىلاردى قابىلداۋ كۆوتالارى ۇلعايتىلدى. ماسەلەن، 2022 جىلى قانداستاردى قابىلداۋعا ارنالعان وڭىرلىك كۆوتا - 1499 ادام، ال قونىس اۋدارۋشىلاردى قابىلداۋعا ارنالعان وڭىرلىك كۆوتا - 6587 ادام بولىپ بەلگىلەندى.
ۇلتتىق ستاتيستيكا بيۋروسىنىڭ مالىمەتىنە قاراعاندا، 2022 جىلدىڭ 1 جەلتوقسانىنا قازاقستانعا 17 888 ەتنيكالىق قازاق ورالىپ، قانداس مارتەبەسىن الدى. ال 1991 جىلدان باستاپ رەسپۋبليكاعا 1 ملن 105،7 مىڭ ەتنيكالىق قازاق ورالدى.