ەڭ تومەنگى جالاقىنىڭ ءوسۋى قازاقستاندىقتاردىڭ كىرىسىنە اسەر ەتتى

ەتج كوتەرىلۋى «جالاقىسى تومەن» قىزمەتكەرلەرگە قاتىستى بولادى. 

قازاقستاندا 1،8 ملن-عا جۋىق جالدامالى جۇمىسكەردىڭ اقشالاي كىرىستەرى وسەتىن بولدى، دەپ حابارلايدى Almaty-akshamy.kz.

«2023 جىلعى 1 قاڭتاردان باستاپ مەملەكەت باسشىسىنىڭ تاپسىرماسىن ىسكە اسىرۋ ماقساتىندا قازاقستاندا ەڭ تومەنگى جالاقى مولشەرى 60 000 تەڭگەدەن 70 000 تەڭگەگە دەيىن ارتتى»، - دەلىنگەن ەڭبەكمينى باسپا ءسوز قىزمەتىنىڭ حابارلاماسىندا.

ەڭبەك كودەكسىنە سايكەس، جۇمىس بەرۋشىلەر جۇمىسكەرلەرگە ەڭبەكاقىنى ەتج-دان تومەن بولمايتىن دەڭگەيدە قامتاماسىز ەتۋگە مىندەتتى. وسىنىڭ ارقاسىندا ءتۇرلى مەنشىك نىسانىنداعى كاسىپورىنداردىڭ بارلىق سالالارىندا جۇمىس ىستەيتىن جالاقىسى 70 مىڭ تەڭگەگە دەيىنگى 1،8 ملن-عا جۋىق جالدامالى جۇمىسكەردىڭ اقشالاي كىرىستەرى وسەدى.

ءبىرىنشى كەزەكتە ەتج كوتەرىلۋى «جالاقىسى تومەن» قىزمەتكەرلەرگە قاتىستى بولادى. ەكىنشىدەن، جالاقى دەڭگەيىن بەلگىلەۋ كەزىندە ەتج كورسەتكىشىن پايدالاناتىن جۇمىس بەرۋشىلەر رازريادارالىق بىلىكتىلىك جۇيەسىن ەسكەرە وتىرىپ، قىزمەتكەرلەردىڭ باسقا ساناتتارىنىڭ جالاقىسىن قايتا قارايتىن بولادى.

ەستەرىڭىزگە سالا كەتەيىك، ەتج ەڭبەك سالاسىنداعى ەڭ تومەنگى الەۋمەتتىك ستاندارت جانە جىل سايىن ءتيىستى قارجى جىلىنا سايكەس، ق ر «رەسپۋبليكالىق بيۋدجەت تۋرالى» زاڭىمەن بەلگىلەنەدى.