قازاقستاندا جاتىر موينى وبىرىنىڭ نەگىزگى قوزدىرعىشى ادام پاپيللوماسى ۆيرۋسىنا (اپۆ) قارسى قىزداردى ۆاكسيناسيالاۋ باستالدى.
بۇگىنگى كۇنى رەسپۋبليكا بويىنشا 11-13 جاس ارالىعىنداعى 1،6 مىڭعا جۋىق قىز اپۆ-عا قارسى ەگىلدى. ەگىلگەن جاعدايلاردىڭ اراسىندا يممۋنداۋدان كەيىن قولايسىز كورىنىستەر تىركەلگەن جوق، دەپ حابارلايدى aqshamnews.kz
قازاقستان رەسپۋبليكاسىنىڭ ۇلتتىق ۆاكسيناسيا كۇنتىزبەسىنە سايكەس دۇنيەجۇزىلىك دەنساۋلىق ساقتاۋ ۇيىمىنىڭ ۇسىنىمىن جانە حالىقتى يممۋنداۋ جونىندەگى ساراپشىلاردىڭ ۇلتتىق تەحنيكالىق كونسۋلتاتيۆتىك توبىنىڭ شەشىمىن ەسكەرە وتىرىپ، 11 جاستاعى قىزدار جوسپارلى ۆاكسيناسيالاۋعا جاتادى.
بۇدان باسقا، 11 جاستان اسقان قىزداردىڭ اتا-انالارىنىڭ وتىنىشتەرىن ەسكەرە وتىرىپ، 12-13 جاس ارالىعىنداعى قىزداردى اپۆ-گە قارسى تولىقتىرا يممۋنداۋ جۇرگىزۋدى تۋرالى شەشىم قابىلداندى.
ۇلتتىق ۆاكسيناسيا كۇنتىزبەسىنە سايكەس جانە ءوندىرۋشىنىڭ نۇسقاۋلىقتارىنا سايكەس، اپۆ-دەن قورعاۋ ءۇشىن 6 اي ارالىقپەن ۆاكسينانىڭ ەكى دوزاسىن الۋ قاجەت.
بۇگىنگى كۇنى اپۆ-عا قارسى ۆاكسيناسيا ەلىمىزدىڭ 9 وڭىرىندە – قاراعاندى، شىعىس قازاقستان، باتىس قازاقستان، پاۆلودار، جەتىسۋ، تۇركىستان، ۇلىتاۋ، اقمولا وبلىستارىندا جانە استانا قالاسىندا جۇرگىزىلۋدە.
اۋداندار، مەديسينالىق ۇيىمدار بويىنشا ۆاكسينانى جەتكىزۋ جانە تاراتۋ مەرزىمدەرىن ەسكەرە وتىرىپ، 6 وڭىردە (اباي، اقتوبە، الماتى، اتىراۋ، قوستاناي جانە سولتۇستىك قازاقستان وبلىستارى) اپۆ-عا قارسى اعىمداعى ۆاكسيناسيا باستالدى. قالعان 5 وڭىردە ۆاكسيناسيانى كەلەسى اپتادا باستاۋ جوسپارلانىپ وتىر.
قازىرگى ۋاقىتتا ەلگە ۆاكسينانىڭ ءبىرىنشى پارتياسى 173،7 مىڭ دوزا كولەمىندە جەتكىزىلدى.
اعىمداعى جىلدىڭ قاراشا ايىندا 175،8 مىڭ دوزا كولەمىندە ۆاكسينانىڭ ەكىنشى پارتياسى تۇسەدى دەپ جوسپارلانىپ وتىر.
ۆاكسيناسيا نەگىزىنەن مەكتەپ وقۋشىلارىن ۆاكسيناسيالاۋدىڭ باسقا تۇرلەرى جۇرگىزىلەتىن مەكتەپتەردىڭ مەديسينالىق كابينەتتەرىندە جۇرگىزىلەدى.
اپۆ-عا قارسى ۆاكسيناسيانى قوسا العاندا كەز كەلگەن ۆاكسيناسيا كامەلەتكە تولماعان بالانىڭ اتا-اناسىنىڭ نەمەسە ونىڭ قامقورشىسىنىڭ اقپاراتتاندىرىلعان كەلىسىمىن العاننان كەيىن عانا جۇرگىزىلەتىنىن اتاپ ايتۋ قاجەت.
بۇگىنگى كۇنى پاپيللوما ۆيرۋسىن جۇقتىرۋدىڭ جانە جاتىر موينى وبىرىنىڭ دامۋىنىڭ الدىن الۋدىڭ جالعىز ءادىسى ۆاكسيناسيا بولىپ تابىلاتىنىن ەسكە سالامىز.
جىل سايىن قازاقستاندا جاتىر موينى وبىرىنىڭ 1900-گە جۋىق جاڭا جاعدايى تىركەلەدى، ورتا ەسەپپەن 600-دەن استام ايەل وسى پاتولوگيادان قايتىس بولادى.