اۋىل شارۋاشىلىعى ۆيسە-مينيسترى ەرمەك كەنجەحان ۇلى قحر دەلەگاسياسىنىڭ وكىلدەرىمەن كەزدەسۋ وتكىزدى.
ونىڭ قۇرامىنا CITIC Construction اۋىلشارۋاشىلىق ينۆەستيسيالىق كەڭەسشىسى يان سزينشي، سونداي-اق Shanghai Sidacheng Biotechnology Co.، Ltd، Shandong Jincheng Pharmaceutical، Fengshang Huinong كومپانيالارىنىڭ وكىلدەرى كىردى، دەپ حابارلايدى aqshamnews.kz اۋىل شارۋاشىلىعى مينيسترلىگىنە سىلتەمە جاساپ.
كەزدەسۋ بارىسىندا تاراپتار قازاقستاننىڭ اگروونەركاسىپتىك كەشەنىن دامىتۋ ماسەلەلەرىن، سونداي-اق جىلدىق قۋاتى 300 000 توننا بيدايدى تەرەڭ وڭدەۋ جونىندەگى وندىرىستىك جەلىنى سالۋ جوباسىن ىسكە اسىرۋدى تالقىلادى.
جوبانىڭ ينۆەستورى-قىتايلىق CITIC Construction كومپانياسى. ينۆەستيسيانىڭ جالپى كولەمى شامامەن 1،07 ميلليارد اقش دوللارى، ال ءونىمنىڭ جالپى قۇنى 1،87 ميلليارد اقش دوللارىن قۇرايدى. 2000-نان استام جۇمىس ورنىن قۇرۋ جوسپارلانۋدا.
جوبا الماتى وبلىسىنداعى «قازبەك بەك» يندۋستريالدى ايماعىنىڭ اۋماعىندا جۇزەگە اسىرىلادى. زاۋىت مالتوزا ءشارباتى، فرۋكتوزا ءشارباتى، كريستالدى فرۋكتوزا، الليۋلوزا، كريستالدى دەكستروزا، ناتريي گليۋكوناتى، گليۋتەندى قوسالقى ونىمدەر مەن جەم سياقتى ونىمدەردى شىعاراتىن بولادى.
قازىرگى ۋاقىتتا نىساندى قاجەتتى ينفراقۇرىلىممەن ۋاقىتىلى قامتاماسىز ەتۋ ماسەلەسى شەشىلۋدە.