مينيسترلىكتىڭ نەگىزگى ماقساتتارىنىڭ ءبىرى – سپورت ينفراقۇرىلىمىن دامىتۋ ارقىلى حالىقتىڭ سپورتقا قولجەتىمدىلىگىن ارتتىرۋ.
ەلىمىزدىڭ بارلىق سپورتتىق ينفراقۇرىلىمىنا اۋقىمدى تۇگەندەۋ جۇرگىزىلدى. ونىڭ قورىتىندىسى بويىنشا ءار وڭىردە جۇمىس ىستەپ تۇرعان وبەكتىلەردىڭ ورتا ەسەپپەن 20%-ى تالاپقا ساي ەمەستىگى انىقتالعان، دەپ حابارلايدى اlmaty-akshamy.kz.
وسىلايشا، جۇرگىزىلگەن جۇمىستىڭ ناتيجەسىندە سپورتتىق ينفراقۇرىلىمعا، اتاپ ايتقاندا اۋىلدىق ەلدى مەكەندەردە اسا مۇقتاج وڭىرلەردىڭ تىزبەسى ايقىندالادى. كەلەسى جىلدان باستاپ «مودۋلدىك ۇلگىدەگى تەز سالىناتىن از شىعىندى 100 سپورت نىسان» جوباسى ىسكە قوسۋ جوسپارلانىپ وتىر.
رەسپۋبليكا بويىنشا الداعى ەكى جىلدا 113 جاڭا سپورت نىسانى سالىنادى، مەملەكەتتىك-جەكەشەلىك ارىپتەستىك تەتىگىن قولدانا وتىرىپ قولدانىستاعى 26 نىسان قايتا جاڭارتىلادى.
الماتى وبلىسىندا وليمپيادالىق دايىندىق بازاسىنىڭ قۇرىلىسى اياقتالۋدا. بازا ءبىر ۋاقىتتا 2300 سپورتشىعا 23 وليمپيادالىق سپورت تۇرىمەن اينالىسۋعا مۇمكىندىك بەرەدى. بۇل نىسان جىل بويى جۇمىس ىستەيدى. ۇلتتىق قۇرامالار مەن وبلىستىق كوماندالار ماڭىزدى جارىستار الدىندا تولىققاندى وقۋ-جاتتىعۋ جيىندارىن وتكىزە الادى.
ەلوردادا ۇلتتىق سپورت ۋنيۆەرسيتەتىنىڭ قۇرىلىسى جۇرگىزىلۋدە، نىساندى 2025 جىلى قولدانىسقا بەرۋ جوسپارلانىپ وتىر. ۋنيۆەرسيتەتتىڭ ىسكە قوسىلۋى كادرلاردى دايارلاۋدىڭ باستاپقى كەزەڭنەن باستاپ، جوعارى جەتىستىكتەر سپورتىنا دەيىنگى ۇدەرىسىن ۇزدىكسىز الۋعا ىقپال ەتەدى.