الماتى قالالىق كارديولوگيا ورتالىعىندا ءمامس جانە تمككك اياسىندا جۇرەككە جوعارى تەحنولوگيالىق شاعىن ءينۆازيۆتى وتالار جاسالاتىن TAVI ورتالىعى اشىلدى. ورتالىقتا ناۋقاستار ەڭ قاجەتتى – جۇرەكتىڭ ۋلترادىبىستىق زەرتتەۋىنەن وتە الادى. مۇندا جوعارى دەڭگەيدە دياگنوستيكالىق بەينەلەۋگە مۇمكىندىك بەرەتىن 128 تىلىمنەن تۇراتىن زاماناۋي كت اپپاراتى بار.
ودان كەيىن كورسەتكىشتەر بويىنشا پاسيەنتتەرگە حيرۋرگيالىق ارالاسۋ – TAVI وتاسى (transcatheter aortic valve implantation) جاسالادى. بۇل – قولقا قاقپاقشاسىنىڭ ستەنوزىن ەمدەۋدىڭ زاماناۋي ءادىسى. مۇندا تارىلعان كلاپان جۇرەككە اشىق وپەراسيا جاساماي-اق تامىر ارقىلى اۋىستىرىلادى. وتانىڭ بۇل ءتۇرى ناركوزسىز ءوتىپ، ناۋقاستى از جاراقاتتاناتىنى ءسوزسىز. ءداستۇرلى حيرۋرگيامەن سالىستىرعاندا ناۋقاس قالپىنا تەز كەلەدى جانە ونىڭ اۋرۋحانادا جاتۋ مەرزىمى قىسقارادى.
ەندى جۇرەككە اشىق وتا جاساۋعا قارسى كورسەتىلىمى بار اۋىر ناۋقاستارعا وپەراسيا جاساۋدىڭ بىرەگەي مۇمكىندىگى بار. مۇنداي وتا 70 جاستان اسقان جۇرەك اۋرۋى بار ناۋقاستارعا كورسەتىلگەن.
TAVI ورتالىعىنىڭ اشىلۋى اياسىندا قالالىق كارديولوگيالىق ورتالىقتىڭ قىزمەتكەرلەرىنە «شەبەرلىك ساباعىن» وتكىزۋ ءۇشىن فرايبۋرگتەن (گەرمانيا) ەندوۆاسكۋليارلىق حيرۋرگيا ديرەكتورى فرانس-يوزەف نەيمان ارنايى شاقىرىلدى
ءقازىر الماتى قالاسىندا جىلىنا 20-22 وتا جاسالسا، مۇقتاج ناۋقاستاردىڭ قاجەتتىلىگى جىلىنا 200-250 وتاعا دەيىن جەتەدى.
مۇنداي وتانى جۇزەگە اسىرۋ ءۇشىن ورتالىقتا ۇعكو، گەرمانيا جانە تۇركيا كلينيكالارىنىڭ جەتەكشى ماماندارىنان ءبىلىم العان قىزمەتكەرلەر بار.
«قولقا قاقپاقشاسىنىڭ ستەنوزى جۇرەكتەن دەنەگە قاننىڭ قالىپتى وتۋىنە كەدەرگى كەلتىرەتىن ساڭىلاۋدىڭ قاتتى تارىلۋىمەن سيپاتتالادى. TAVI پروسەدۋراسى سانداعى ارتەريا ارقىلى ەنگىزىلەتىن كاتەتەر ارقىلى جۇزەگە اسىرىلادى. كاتەتەر جاڭا كلاپاندى قالاعان جەرگە جەتكىزىپ، وندا ول تارىلعان كلاپاندى اشادى جانە اۋىستىرادى. بۇل پروسەسس ناركوزسىز جاسالادى جانە جۇرەككە اشىق وتا جاساۋدى قاجەت ەتپەيدى دە، قان اعىمىن قالپىنا كەلتىرۋگە مۇمكىندىك بەرەدى. ال مۇنىڭ بارلىعى ءبىر جەردە شوعىرلانۋى ناۋقاستىڭ پروبلەماسىن تەز شەشۋگە جول اشادى»، – دەيدى قالالىق كارديولوگيالىق ورتالىقتىڭ رەنتگەن حيرۋرگياسى ءبولىمىنىڭ مەڭگەرۋشىسى ورازبەك ساحوۆ.
TAVI ورتالىعى الماتى قالاسى قوعامدىق دەنساۋلىق ساقتاۋ باسقارماسىنىڭ تاپسىرىسىمەن جانە قولداۋىمەن جۇرەك-قان تامىرلارى اۋرۋلارىن ەمدەۋگە دەگەن كوزقاراستى وزگەرتۋ جانە پاسيەنتتەرىمىزدىڭ ءومىر ءسۇرۋ ساپاسىن جاقسارتۋ ماقساتىندا قۇرىلعان.
«الماتى – ەلىمىزدەگى ەڭ ءىرى مەگاپوليس. مۇنداعى TAVI حيرۋرگياسىنا قاجەتتىلىك ءومىر ءسۇرۋ ۇزاقتىعىنىڭ ۇلعايۋىمەن جانە دياگنوستيكانىڭ جاقسارۋىمەن بىرگە ارتىپ كەلەدى. TAVI ءادىسىن قولدانۋ جانە TAVI ورتالىعىنىڭ اشىلۋى دەنساۋلىق ساقتاۋ جۇيەسى مەن پاسيەنتتەر ءۇشىن بىرنەشە ماڭىزدى ارتىقشىلىققا يە: ءداستۇرلى وتا تىم ءقاۋىپتى ەگدە جاستاعى پاسيەنتتەر ءۇشىن قولجەتىمدىلىگى؛ وتادان كەيىن قالپىنا تەزىرەك كەلۋى؛ اسقىنۋ ىقتيمالدىعىنىڭ از بولۋى؛ TAVI وتاسى اورتا قاقپاقشاسى ستەنوزىنىڭ اۋىر تۇرىمەن اۋىراتىن ناۋقاستاردىڭ ءومىر ساپاسىن ايتارلىقتاي جاقسارتادى جانە كارديوحيرۋرگيا سالاسىنداعى ودان ءارى ىلگەرىلەۋ ءۇشىن ماڭىزدى بولىپ تابىلاتىن مەديسينالىق زەرتتەۋلەردى دامىتۋعا، ارنايى مامانداردى دايىنداۋعا ءوز ۇلەسىن قوسادى»، – دەيدى قالالىق كارديولوگيا ورتالىعىنىڭ ديرەكتورى، مەديسينا عىلىمدارىنىڭ دوكتورى، پروفەسسور روزا قۋانىشبەكوۆا.