رەسمي اشحاباد ايەلدەردىڭ سىرتقى كەلبەتىن باقىلايدى

ايەلدەر مەن قىزدارعا شاشىن قىسقا ەتىپ قيۋعا تىيىم سالىندى.

تۇركىمەنستان بيلىگى قىز-كەلىنشەكتەردىڭ سىرتقى كەلبەتىن باقىلاۋدى كۇشەيتتى. مۇنداي شارا ەلدە ايەلدەردىڭ جاساندى تىرناق، كىرپىك، بوتوكس جاساتۋىنا تىيىم سالۋ تۋرالى زاڭ شىققان سوڭ كۇشەيگەن، دەپ حابارلادى Almaty-akshamy.kz Turkystan.kz  سىلتەمە جاساپ. 

قازىرگى تاڭدا بيلىك كوشەدە، سۇلۋلىق سالوندارىندا، جوعارى وقۋ ورىندارىندا عانا ەمەس، مەملەكەتتىك مەكەمەلەر مەن كاسىپورىنداردا دا تالاپتاردى قاتايتقان. كۇن سايىن مەكتەپتەگى وقۋشى قىزداردىڭ تىرناقتارىن تەكسەرەدى. ايەلدەر مەن قىزدارعا شاشىن قىسقا ەتىپ قيۋعا تىيىم سالىندى.

ماسەلەن، ارنايى قۇرىلعان تەكسەرۋ توپتارى قىز-كەلىنشەكتەردىڭ سىرتقى جانە جانە مورالدىق سيپاتىن باقىلايدى. تەكسەرۋ بارىسىندا ولار ايەلدەرگە ۇزىن جانە ۇلتتىق كيىم كيۋدى تالاپ ەتەدى.  مىسالى، كوميسسيا ءبىر ايەلگە سارى ءتۇستى شاشىن قارا  تۇسپەن بوياۋدى تالاپ ەتكەن.

وعان قوسا، بۇرىن ىستەتكەن جاساندى سۇلۋلىقتى (جاساندى كىرپىك، قاس، تىرناق، بوتوكس) كەتىرۋ  تۋرالى ەسكەرتۋ جاساعان. بۇل ءۇشىن بيۋدجەت قىزمەتكەرلەرىنە ءبىر كۇن ۋاقىت بەرىلگەن.