ADAL پارتياسىنىڭ AMANAT-قا قوسىلۋى مەن پرەزيدەنت قاسىم-جومارت توقايەۆتىڭ پارتيامىزدىڭ ءتورالىعىنان كەتۋى سوڭعى كۇندەردىڭ باستى جاڭالىعىنا اينالدى.
ADAL-دىڭ قوسىلۋى AMANAT پارتياسىنىڭ جەتەكشى ءرولىن كورسەتىپ قانا قويماي، ەلەكتورالدى الەۋەتىمىزدى كۇشەيە تۇسەتىنى ءسوزسىز. مىسال رەتىندە 2021 جىلى قاڭتار ايىندا وتكەن پارلامەنتتىك سايلاۋدا بۇل پارتيانىڭ 3،57% داۋىس جيناعانىن كەلتىرسەك بولادى. بۇدان بولەك، تەرەزەسى تەڭ ەلدەردەگى جەتەكشى پارتيالاردىڭ بىرىگۋى - حالىقارالىق تاجىريبەدە ءجيى كەزدەسىپ تۇراتىن پروسەس. ءبىزدىڭ پارتيامىزدىڭ تاريحىندا دا بۇل جاعداي ورىن العان.
ساياسي جۇيەنىڭ ترانسفورماسياسى پارتيانىڭ ترانسفورماسياسىنان باستالعانى بارىمىزگە بەلگىلى. جاڭا پارتيالىق جوبالار اشىلىپ، كوشپەلى قوعامدىق قابىلداۋلار ەلدى مەكەندەردە وتكىزىلىپ، باعدارلامالىق قۇجاتتارىمىزعا دا وزگەرىستەر ەنگىزىلۋدە. بۇل مودەرنيزاسيانىڭ تەك باستاماسى ەكەنى ايقىندالدى. كەزەكتى ترانسفورماسيا وتكەن سەزدە مەملەكەت باسشىسىنىڭ پارتيا ءتورالىعىنان كەتۋ تۋرالى شەشىمىندە بولدى. بۇل قاسىم-جومارت توقايەۆتىڭ ءوزى جاريا ەتكەن رەفورمالار مەن جاڭا قازاقستان قۇرۋ ءۇشىن وتە ماڭىزدى قادام.
ءوز كەزەگىندە اماNات پارتياسى حالىقتىڭ سەنىمىن اقتاعان ەلىمىزدەگى باستى ءارى جەتەكشى ساياسي كۇش رەتىندە ورنىققان. سوندىقتان پرەزيدەنتتىڭ اينالاسىنداعى قوعامدىق-ساياسي كونسوليداسيا ورتالىعى AMANAT بولىپ قالا بەرمەك.