رەسپۋبليكانىڭ باسىم بولىگىندە جاڭبىر جاۋادى.
«قازگيدرومەت» ماماندارى 28- 30 ساۋىرگە ارنالعان اۋا رايى بولجامىن جاريالادى، دەپ حابارلايدى Almaty-akshamy.kz.
مامانداردىڭ مالىمەتىنشە، قازاقستاننىڭ باتىسىنا اق تەڭىزدەن كەلگەن سيكلون اسەر ەتەدى.
«ىلە-شالا سيكلون شىعىس باعىتقا اۋىسىپ، ەلدىڭ سولتۇستىك-باتىس جانە سولتۇستىك ايماقتارىنا دا اسەر ەتەدى. رەسپۋبليكانىڭ باسىم بولىگىندە جاڭبىر جاۋادى. سونىمەن قاتار، 30 ساۋىردە رەسپۋبليكانىڭ باتىسىندا نوسەر جاڭبىر جاۋادى.ءۇش كۇندە وڭتۇستىككە سيكلون اسەر ەتەدى. بۇرشاق جاۋىپ، داۋىل سوعادى. جەل سەكۋندىنا 15-20 مەترگە، وڭتۇستىكتە، وڭتۇستىك-شىعىستا ەكپىنى سەكۋندىنا 23-28 مەترگە دەيىن كۇشەيەدى»، - دەلىنگەن حابارلامادا.
سونداي-اق، باتىس، سولتۇستىك-باتىس جانە سولتۇستىكتە اۋا تەمپەراتۋراسى بىرتىندەپ تومەندەپ، ەلدىڭ قالعان اۋماعىندا جوعارىلاۋى مۇمكىن.