الماتى قالاسىنا ريازان وبلىسىنان دەلەگاسيا كەلدى. وبلىس گۋبەرناتورى ن.ۆ.ليۋبيموۆ پەن «رسو» اق باس ديرەكتورى ۆ.و.نيكيشينا باستاعان دەلەگاسيا قالاداعى ريازان كاسىپورنىنىڭ ءارتاراپتاندىرىلعان كورمە زالىندا تانىستىرۋ جۇمىستارىن جۇرگىزدى. گۋبەرناتوردىڭ الماتىعا ءىسساپارى ساۋدا-ساتتىقتى نىعايتۋعا باعىتتالعان. رەسەي فەدەراسياسى مەن قازاقستان رەسپۋبليكاسى اراسىنداعى ءوزارا ەكونوميكالىق سەرىكتەستىك ورناتۋعا نەگىزدەلگەن شارادا ريازان كاسىپورىندارىنىڭ ەكسپوزيسيالىق ونىمدەرى نازارعا ۇسىنىلدى. سونداي-اق، باسقوسۋدا جۇمىس بارىسى تۋرالى كەلىسسوزدەر ورىن الدى.
– ءبىز ريازان كاسىپورىندارىنىڭ ونىمدەرىن ۇسىنۋ ءۇشىن ارنايى اشىلعان كورمە زالىندا شارا وتكىزدىك. شارانىڭ باستى ماقساتى – ونىمدەردى قازاقستاندىق تۇتىنۋشىلارعا پرەزەنتاسيا تۇرىندە تانىستىرۋ. سونىمەن قاتار، قازاقستاندىق سەرىكتەستەر تاۋىپ، ولارمەن سەنىمدى كەلىسسوزدەر جۇرگىزىپ، ۇزاق ۋاقىتقا كەلىسىم-شارت جاساۋ ماقساتىندا جۇمىس ىستەيمىز. بولاشاقتا وزبەكستان ەلىندە ءدال وسىنداي فيليال اشۋ ويىمىزدا بار. ءقازىر وسى ماقساتتا جۇمىس ىستەپ جاتىرمىز. قازاقستان ءبىزدىڭ كوپتەگەن ەلدەردەگى سەرىكتەستەرىمىزدىڭ ىشىندە ەڭ ماڭىزدىسى. ول تمد ەلدەرىنىڭ ىشىندەگى سەرىكتەستەرىمىزدىڭ اراسىندا 2-ورىن يەلەنەدى. ءبىرىنشى ورىندا بەلارۋس ەلى ورنالاسقان. سونداي-اق، ءبىز تەك ەكسپورتپەن ەمەس، يمپورتپەن دە اينالىسامىز. مىسالى، قازاقستان ونىمدەرىنىڭ 3-4%-ىن يمپورتتاپ، ال ريازان كاسىپورىندارى ونىمدەرىنىڭ 94%-ىن ەكسپورتتايمىز. ەكى ەل اراسىندا بيزنەسكە قاراعاندا، دوستىق قارىم-قاتىناس جوعارى دەۋگە بولادى، – دەدى ن.ليۋبيموۆ.
– رەسەي ساراپتاما ورتالىعىنىڭ تاجىريبەسى بويىنشا ءارتۇرلى مەملەكەتتەردە ورنالاسقان ءدال وسىنداي 3 فيليالىمىز بار. پاندەميا ۋاقىتىندا ونىمدەردى ەكسپورتتاۋ ماسەلەسى قارقىن العانى بەلگىلى. الايدا، ريازان وبلىسىنداعى ارىپتەستەرىمىزدىڭ ىنتاسى قازاقستاندا ريازان ونىمدەرىن ەكسپورتتاۋ بويىنشا وتە بەلسەندى پوزيسيانى ۇستاندى. سوندىقتان ورىن الىپ جاتقان شارا وتە ماڭىزدى دەپ ويلايمىن. ونلاين تاپسىرىس بەرمەي، ونىمدەردىڭ ساپاسىن كوزبەن كورىپ، ۇستاپ، تەكسەرۋ تۇتىنۋشىلار ءۇشىن ماڭىزدى. ءبىزدىڭ قاۋىمداستىق تۇتىنۋشىلارعا وسىنداي مۇمكىندىكتەر سىيلايدى، – دەدى و.نيكيشينا.
ريازان كاسىپورىندارىنىڭ ونىمدەرى قازاقستاننان بولەك، گەرمانياعا (13،6%)، قىتايعا (12،5%)، بەلارۋس ەلىنە (11،1%)، اقش-قا (4،6%)، پولشاعا (4،6%)، ۋكرايناعا (3،8%) ەكسپورتتالادى. الداعى ۋاقىتتا وزبەكستان، افريكا ەلدەرىنە جول تارتپاق. شارا سوڭىندا ەكى ەل اراسىندا سەنىمدى ساۋدا-ساتتىق ورناپ، قارىم-قاتىناس دوستىققا ۇلاسادى دەگەن سەنىم ارتىلدى